പത്തു ദിവസം മുമ്പ് വീട്ടില്‍ കുഴഞ്ഞു വീഴുകയും തുടര്‍ന്ന് ഹൃദയാഘാതം മൂലം മരണം സംഭവിക്കുകയും ചെയ്ത റെഡ്ഡിംഗിലെ മലയാളി പെണ്‍കുട്ടി പ്രസീന(24)യുടെ സംസ്‌കാരം 18ന് നടക്കും. രാവിലെ 8.30ന് റെഡ്ഡിംഗിലെ സെന്റ് ജെയിംസ് ചര്‍ച്ചിലാണ് മൃതദേഹം എത്തിക്കുക. തുടര്‍ന്ന് പൊതുദര്‍ശനവും വിശുദ്ധ കുര്‍ബാനയും നടക്കും. ശേഷം റെഡ്ഡിംഗ് സെമിത്തേരിയില്‍ മൃതദേഹം സംസ്‌കരിക്കും.
ദേവാലയത്തിന്റെ വിലാസം
St. James Roamn Catholic Church, Reading RG1 3FD
സെമിത്തേരിയുടെ വിലാസം
Reading Cemetery, A11 Hallows Rd, Caversham, Reading RG4 5LP
മെയ് 30 വെള്ളിയാഴ്ച വൈകിട്ടാണ് റെഡ്ഡിങില്‍ താമസിക്കുന്ന ജോസി വര്‍ഗീസ് - മിനി ജോസി ദമ്പതികളുടെ മകള്‍ പ്രസീന വര്‍ഗീസ് വീട്ടില്‍ കുഴഞ്ഞു വീഴുന്നത്. തുടര്‍ന്ന് ലണ്ടനിലെ ചേറിങ് ക്രോസ് എന്‍എച്ച്എസ് ഹോസ്പിറ്റലില്‍ എത്തിച്ചുവെങ്കിലും 31ന് ശനിയാഴ്ച രാവിലെ മരണം സംഭവിക്കുകയായിരുന്നു.
ചെറുപ്രായത്തിലുള്ള പ്രസീനയുടെ മരണം റെഡ്ഡിങിലെ മലയാളി സമൂഹത്തെ ഒന്നാകെ ദുഃഖത്തില്‍ ആഴ്ത്തി. പ്രസീനയുടെ കുടുംബം സിറോ മലബാര്‍ സഭ വിശ്വാസികളും നാട്ടില്‍ കോട്ടയം ജില്ലയിലെ പാലായില്‍ നിന്നുള്ളവരുമാണ്.
