ബര്‍മിംഗ്ഹാമില്‍ നിര്യാതനായ ബിജു ജോസഫി (54)ന് ജൂണ്‍ 21-ാം തീയതി ശനിയാഴ്ച യുകെ മലയാളികള്‍ വിട നല്‍കും. ഉച്ചകഴിഞ്ഞ് 2 മണി മുതല്‍ 5 മണി വരെയാണ് പൊതുദര്‍ശനം ക്രമീകരിച്ചിരിക്കുന്നത്.
പൊതുദര്‍ശനം നടക്കുന്ന പള്ളിയുടെ വിലാസം
Our Lady of the Rosary and St Therese of Lisieux
Birmingham, B8 3BB
യുകെയിലെ ആദ്യകാല കുടിയേറ്റക്കാരില്‍ ഒരാളായ ബിജു ജോസഫ് കേരളത്തില്‍ കൊട്ടിയൂര്‍ നെടുംകല്ലേല്‍ കുടുംബാംഗമാണ്. ബര്‍മിംഗ്ഹാം സിറ്റി മലയാളി കമ്മ്യൂണിറ്റിയുടെ (BCMC) സജീവ പ്രവര്‍ത്തകനും സീറോ മലബാര്‍ സഭയുടെ സെന്റ് ബെനഡിക് മിഷന്‍ സാറ്റ്ലി ഇടവകാംഗവുമായിരുന്നു പരേതന്‍. ബര്‍മിംഗ്ഹാമില്‍ കുടുംബത്തിനൊപ്പമായിരുന്നു ബിജു ജോസഫ് താമസിച്ചിരുന്നത്.
സംസ്കാരം ജൂണ്‍ 26 -ന് കണ്ണൂര്‍ കൊട്ടിയൂര്‍ സെന്റ് സെബാസ്റ്റ്യന്‍സ് പള്ളിയില്‍ രാവിലെ 10 മണിക്ക് നടക്കുമെന്ന് ബന്ധുക്കള്‍ അറിയിച്ചു.
