സിനിമകളുടെ ലാഭനഷ്ട കണക്ക് തല്ക്കാലം പുറത്തു വിടില്ലെന്ന് നിര്മാതാക്കളുടെ സംഘടന. എല്ലാ മാസവും കണക്ക് പുറത്തു വിടുമെന്ന തീരുമാനം സംഘടന പിന്വലിച്ചു. കണക്കുകള് പുറത്തുവിടുന്നത് പുതിയ ഭരണസമിതി വന്നശേഷം മതിയെന്ന് പ്രൊഡ്യൂസേഴ്സ് അസോസിയേഷന് തീരുമാനിച്ചു.
മാര്ച്ചിന് ശേഷമാണ് നഷ്ട കണക്ക് പുറത്ത് വിടാതെയായത്. ഇനി പുറത്ത് വരാനുള്ളത് ഏപ്രില്, മെയ്, ജൂണ് മാസത്തെ കണക്കുകളായിരുന്നു. മാര്ച്ചില് റിലീസ് ചെയ്ത 15 സിനിമകളുടെ നിര്മാണചെലവും ഇവയ്ക്ക് തിയേറ്ററില്നിന്ന് ലഭിച്ച കളക്ഷന് തുകയുടെ വിവരങ്ങളുമാണ് പ്രൊഡ്യൂസേഴ്സ് അസോസിയേഷന് അവസാനമായി പുറത്ത് വിട്ടത്. മാര്ച്ചില് ആകെ 15 സിനിമകളാണ് റിലീസായത്.
ഇതില് സിനിമകളുടെ ബജറ്റ് തുകയും തിയേറ്റര് വിഹിതവും അടങ്ങുന്ന പട്ടികയാണ് ഇപ്പോള് പുറത്തുവന്നിരിക്കുന്നത്. പുറത്തിറങ്ങിയ സിനിമകളില് ഭൂരിഭാഗവും നഷ്ടമായിരുന്നു എന്ന് കണക്കുകളില് നിന്ന് വ്യക്തമാണ്. അതേസമയം അമ്മയ്ക്ക് പിന്നാലെ നിര്മാതാക്കളുടെ സംഘടനയിലും തിരഞ്ഞെടുപ്പ് ഉണ്ടാകും. തിരഞ്ഞെടുപ്പ് തീയതി ഇന്ന് ചേരുന്ന എക്സിക്യൂട്ടീവ് കമ്മിറ്റിയില് തീരുമാനിച്ചേക്കും.
