തന്റെ അടുത്ത പ്രോജക്ട് പ്രഖ്യാപിച്ച് മോഹന്ലാല്. നടന് ഓസ്റ്റിന് ഡാന് തോമസ് ആണ് ചിത്രം സംവിധാനം ചെയ്യുന്നത്. ഓസ്റ്റിന് ആദ്യമായി സംവിധാനം ചെയ്യുന്ന ചിത്രമാണിത്. എസ്ഐയുടെ വേഷത്തിലാകും ചിത്രത്തില് മോഹന്ലാല് എത്തുക എന്നാണ് പോസ്റ്റര് സൂചിപ്പിക്കുന്നത്.
L365 എന്നാണ് സിനിമയ്ക്കു താല്ക്കാലികമായി നല്കിയിരിക്കുന്ന പേര്. കോമഡി ത്രില്ലര് ഗണത്തില്പെടുന്ന എന്റര്ടെയ്നറായിരിക്കും ചിത്രം. സിനിമയുടെ മറ്റു വിവരങ്ങള് പുറത്തു വിട്ടിട്ടില്ല. ചിത്രീകരണം ഈ വര്ഷം ആരംഭിക്കും.
ഇഷ്ക്’ എന്ന ചിത്രത്തിനു തിരക്കഥ ഒരുക്കിയ രതീഷ് രവിയാണ് കഥയും തിരക്കഥയും സംഭാഷണവും നിര്വഹിക്കുന്നത്. ആഷിഖ് ഉസ്മാന് ആണ് നിര്മാണം. വിജയ് സൂപ്പര് പൗര്ണമി, തല്ലുമാല, അര്ജന്റീന ഫാന്സ് തുടങ്ങിയ സിനിമകളില് അഭിനേതാവായി തിളങ്ങിയ താരമാണ് നടന് ഓസ്റ്റിന് ഡാന്.
