ഷാര്ജ: ഷാര്ജയില് മലയാളി യുവതിയെയും മകളെയും മരിച്ച നിലയില് കണ്ടെത്തി. കൊല്ലം ചന്ദനത്തോപ്പ് സ്വദേശിനിയായ വിപഞ്ചിക മണിയന് (33), ഒന്നര വയസ്സുകാരിയായ മകള് വൈഭവി എന്നിവരെയാണ് മരിച്ച നിലയില് കണ്ടെത്തിയത്. ഒരേ കയറില് തൂങ്ങിയ നിലയിലാണ് മൃതദേഹങ്ങള് കണ്ടെത്തിയത്. മകളെ കൊന്ന് അമ്മ ജീവനൊടുക്കി എന്നതാണ് പ്രാഥമിക നിഗമനം.
ചൊവ്വാഴ്ച്ച ഉച്ചയ്ക്ക് ഷാര്ജ അല് നഹ്ദയിലെ ഫ്ലാറ്റിലായിരുന്നു സംഭവം. സ്വകാര്യ കമ്പനിയിലെ എച്ച്.ആര് വിഭാഗത്തിലാണ് വിപഞ്ചിക ജോലി ചെയ്തിരുന്നത്. ഭര്ത്താവ് നിതീഷും യുഎഇയിലുണ്ട്. ഭര്ത്താവ് നിധീഷുമായി അകന്ന് കഴിയുകയായിരുന്നു വിപഞ്ചിക. മൃതദേഹങ്ങള് പോസ്റ്റുമോര്ട്ടത്തിനായി ഫോറന്സിക് ലാബോറട്ടറിയിലേക്ക് മാറ്റി. സംഭവത്തില് പൊലീസ് അന്വേഷണം തുടങ്ങി. ബന്ധുക്കളെ വിവരം അറിയിച്ചിട്ടുണ്ട്.
