കൊല്ലം: ഇരവിപുരം സ്വദേശിനിയെ കാനഡയിലെ താമസ സ്ഥലത്തു മരിച്ച നിലയില് കണ്ടെത്തി. മരണ കാരണം വ്യക്തമല്ല. പനമൂട് ചാനക്കഴികം ആന്റണി വില്ലയില് ബെനാന്സിന്റെയും രജനിയുടെയും മകള് അനീറ്റ ബെനാന്സ് (25) ആണു മരിച്ചത്. ബിസിനസ് മാനേജ്മെന്റില് ബിരുദാനന്തര ബിരുദം നേടിയ ശേഷം കാനഡയില് ബാങ്കില് ജോലി ചെയ്യുകയായിരുന്നു അനീറ്റ.
കഴിഞ്ഞ ചൊവ്വ ഉച്ചയ്ക്ക് ഒപ്പം താമസിക്കുന്നവരാണു ടൊറന്റോയിലെ താമസ സ്ഥലത്തെ ശുചിമുറിയില് മൃതദേഹം കണ്ടത്. തുടര്ന്നു പൊലീസെത്തി മൃതദേഹം ആശുപത്രിയിലേക്കു മാറ്റി. പോസ്റ്റ്മോര്ട്ടം പൂര്ത്തിയായെങ്കിലും, അന്വേഷണം പൂര്ത്തിയായതിന് ശേഷമേ മൃതദേഹം ബന്ധുക്കള്ക്ക് വിട്ടുകൊടുക്കുകയുള്ളു. നിലവില് കൂടെ താമസിക്കുന്നവരെല്ലാം പോലീസ് നിരീക്ഷണത്തിലാണ്.
തിങ്കളാഴ്ചയും അമ്മ രജനിയുമായി ഫോണില് സംസാരിച്ചിരുന്നു. പനി ആയതിനാല് രണ്ട് ദിവസമായി അവധിയിലായിരുന്ന് പറഞ്ഞിരുന്നു. ഏക സഹോദരന് നിഖില്. കാനഡ പൊലീസ് കേസ് കേസ് രജിസ്റ്റര് ചെയ്ത് അന്വേഷണമാരംഭിച്ചു.
