കുവൈറ്റില് വിഷമദ്യം കഴിച്ച് 10 പ്രവാസികള് മരിച്ചു, മലയാളികളും ഉണ്ടെന്ന് സൂചന
കുവൈറ്റ് സിറ്റി: കുവൈറ്റില് വിഷമദ്യം കഴിച്ച് പത്ത് പ്രവാസികള് മരിച്ചതായി റിപ്പോര്ട്ട്. മരിച്ചവരില് മലയാളികളും ഉണ്ടെന്നാണ് സൂചന. വിഷമദ്യം കഴിച്ച ഒട്ടേറെപ്പേര് ചികിത്സയിലാണെന്ന് പ്രാദേശിക മാധ്യമങ്ങൾ റിപ്പോര്ട്ട് ചെയ്തു.
പ്രാഥമിക പരിശോധനയില് മദ്യത്തില് നിന്ന് വിഷബാധയേറ്റതായി സ്ഥിരീകരിച്ചിട്ടുണ്ട്. ജലീബ് ബ്ലോക്ക് ഫോറില് നിന്നാണ് പ്രവാസികള് മദ്യം വാങ്ങിയതെന്നാണ് വിവരം. വിഷബാധയേറ്റതിനെത്തുടര്ന്ന് കഴിഞ്ഞ ഞായറാഴ്ച ഫര്വാനിയ, അദാന് ആശുപത്രികളില് 15-ഓളം പ്രവാസികളെ പ്രവേശിപ്പിച്ചിരുന്നു. ചികിത്സയില് കഴിയവേ ഇവരില് പത്തുപേരാണ് കഴിഞ്ഞ ദിവസങ്ങളില് മരിച്ചത്.
അഹമ്മദി ഗവര്ണറേറ്റിലും നിരവധി പേര് ഗുരുതരാവസ്ഥയിലാണെന്നും റിപ്പോര്ട്ടുകളുണ്ട്. കൂടുതല് വിവരങ്ങള് ലഭ്യമാകുന്നതേയുള്ളൂ.
