സംവിധായകന് അടൂര് ഗോപാലകൃഷ്ണനെതിരെ പരിഹാസവുമായി നടന് ബൈജു സന്തോഷ്. ദാദാ സാഹേബ് ഫാല്ക്കെ പുരസ്കാരം നേടിയ മോഹന്ലാലിനെ സര്ക്കാര് ആദരിച്ചതിന്റെ പശ്ചാത്തലത്തിലാണ് ബൈജുവിന്റെ കമന്റ്. മോഹന്ലാലിനെ ആദരിക്കാന് സര്ക്കാര് സംഘടിപ്പിച്ച മലയാളം വാനോളം, ലാല്സലാം എന്ന ചടങ്ങിലെ അടൂരിന്റെ പ്രസംഗശകലവും അദ്ദേഹം മുന്പ് മോഹന്ലിനെക്കുറിച്ച് ഒരു അഭിമുഖത്തില് പറഞ്ഞ വാക്കുകളും ചേര്ത്തുവെച്ച് ഇന്സ്റ്റാഗ്രാമില് പ്രചരിക്കുന്ന വീഡിയോക്ക് കമന്റായാണ് ബൈജു തന്റെ അഭിപ്രായം രേഖപ്പെടുത്തിയത്.
തന്നെ വിമര്ശിച്ച അടൂര് ഗോപാലകൃഷ്ണന് മോഹന്ലാല് മറുപടി നല്കുന്നു എന്ന രീതിയിലുള്ള വീഡിയോക്കാണ് ബൈജു സന്തോഷ് കമന്റ് ചെയ്തത്. ഇങ്ങേരുടെ പടത്തില് അഭിനയിക്കാത്തതുകൊണ്ട് മോഹന്ലാല് സൂപ്പര് സ്റ്റാര് ആയി എന്നാണ് ബൈജുവിന്റെ കമന്റ്. നിരവധി പേര് ബൈജുവിന് പിന്തുണയുമായെത്തി.
