മോഹന്ലാലും മമ്മൂട്ടിയും ഒന്നിക്കുന്ന മള്ട്ടി സ്റ്റാര് ചിത്രമായ 'പാട്രിയറ്റ്' ആണ് സോഷ്യല് മീഡിയയിലെ പുതിയ വിഷയം. മഹേഷ് നാരായണന് സംവിധാനം ചെയ്യുന്ന ചിത്രം വമ്പന് ബജറ്റില് ആക്ഷന് മൂഡിലാണ് ഒരുങ്ങുന്നത്. കുഞ്ചാക്കോ ബോബന്, ഫഹദ് ഫാസില്, നയന്താര തുടങ്ങി വമ്പന് താരനിരയാണ് സിനിമയില് ഒന്നിക്കുന്നത്. ഇപ്പോഴിതാ സിനിമയുടെ ചിത്രീകരണത്തിനിടെ ലൊക്കേഷനില് നിന്നുള്ള ഒരു സ്റ്റില് ആണ് വൈറല് ആകുന്നത്.
മോഹന്ലാലും കുഞ്ചാക്കോ ബോബനുമാണ് സ്റ്റിലില് കാണുന്നത്. സിനിമയുടെ ഹൈദരാബാദ് ഷെഡ്യൂള് പൂര്ത്തിയാക്കിയ സംഘം ഇപ്പോള് ലണ്ടന് ഷെഡ്യൂളിനായി ഒരുങ്ങുകയാണ്. പതിനൊന്ന് വര്ഷങ്ങള്ക്കു ശേഷം മലയാളത്തിന്റെ സൂപ്പര് താരങ്ങളായ മമ്മൂട്ടിയെയും മോഹന്ലാലിനെയും ഒരു ഫ്രെയിമില് കാണാന് കൊതിച്ചിരിക്കുകയാണ് മലയാളികള്.
ശ്രീലങ്കയിലാണ് ചിത്രത്തിന്റെ പ്രധാന ഭാഗങ്ങള് ചിത്രീകരിച്ചിരിക്കുന്നത്. മമ്മൂട്ടി കമ്പനിയും ആശീര്വാദ് സിനിമാസും ഒരുമിച്ചാണ് ചിത്രം നിര്മിക്കുന്നത്. കേരളം, ഡല്ഹി,ശ്രീലങ്ക, ലണ്ടന് എന്നിവിടങ്ങളിലാണ് ചിത്രീകരണം.
സിനിമയുടെ രണ്ട് ഷെഡ്യൂള് ശ്രീലങ്കയിലും, ഒരു ഷെഡ്യൂള് യു.എ ഇ യിലും, ഒരു ഷെഡ്യൂള് അസര്ബൈജാനും പൂര്ത്തീകരിച്ചു. ആന്റോ ജോസഫ് പ്രൊഡ്യൂസറും, സി.ആര്.സലിം,സുഭാഷ് ജോര്ജ് മാനുവല് എന്നിവര് കോ പ്രൊഡ്യൂസര്മാരുമായ ചിത്രത്തിന്റെ കഥയും തിരക്കഥയും മഹേഷ് നാരായണന്റെതാണ്.
