യുവാവ് പരാതി പിന്വലിച്ചു; നടി ലക്ഷ്മി മേനോന് പ്രതിയായ തല്ലു കേസ് ഹൈക്കോടതി റദ്ദാക്കി
നടി ലക്ഷ്മി മേനോനും സംഘവും യുവാവിനെ തട്ടിക്കൊണ്ടു പോയി ക്രൂരമായി മര്ദ്ദിച്ചെന്ന കേസ് ഹൈക്കോടതി റദ്ദാക്കി. പരാതി പിന്വലിക്കുന്നതായി യുവാവ് ഹൈക്കോടതിയെ അറിയിച്ചു.
എഫ്ഐആര് റദ്ദാക്കണമെന്ന് ആവശ്യപ്പെട്ട് ലക്ഷ്മി മേനോനും കോടതിയെ സമീപിച്ചിരുന്നു. ഇതിനു പിന്നാലെയാണ് കേസ് റദ്ദാക്കിയത്. നോര്ത്ത് പൊലീസ് രജിസ്റ്റര് ചെയ്ത കേസില് നാലാം പ്രതിയായിരുന്നു ലക്ഷ്മി.
എറണാകുളത്തെ ബാറില് പരാതിക്കാരനായ യുവാവും ലക്ഷ്മി മേനോന്റെ സുഹൃത്തുക്കളും തമ്മില് തര്ക്കം ഉണ്ടായതാണ് പ്രശ്നങ്ങളുടെ തുടക്കം.ബാറില് നിന്ന് പുറത്തിറങ്ങിയ യുവാവിനെ കാറ് കുറുകെയിട്ട് തടഞ്ഞ് നിര്ത്തി ലക്ഷ്മി മേനോനും സംഘവും തട്ടിക്കൊണ്ടുപോയി. യുവാവിനെ ക്രൂരമായി മര്ദ്ദിച്ചതായും പരാതിയുണ്ടായിരുന്നു.
സംഭവത്തില് മിഥുന് , സോനമോള്, അനീഷ് എന്നിവരെ നോര്ത്ത് പൊലീസ് അറസ്റ്റ് ചെയ്തു. സിസിടിവി പരിശോധിച്ചതില് നിന്ന് നടി ലക്ഷ്മി മേനോനും കുറ്റകൃത്യത്തില് ഉള്പ്പെട്ടിട്ടുണ്ടെന്ന് വ്യക്തമായതോടെ ഇവരെയും പ്രതിചേര്ത്തു.
