ഗുജറാത്തില് പശുവിനെ കൊന്നതിന് ജീവപര്യന്തം തടവും ആറ് ലക്ഷം രൂപ പിഴയും വിധിച്ച് കോടതി. അഹമ്മദാബാദ് കോടതിയാണ് ഇത്തരത്തില് പശുവിനെ കൊന്നതിന് മൂന്നുപേര്ക്ക് ജീവപര്യന്തം തടവ് ശിക്ഷ വിധിച്ചത്. പശുക്കളെ ഹിന്ദുമതം പവിത്രമായി കണക്കാക്കുന്നുവെന്നും ഇതറിഞ്ഞു കൊണ്ടാണ് പ്രതികള് കുറ്റം ചെയ്തതെന്നും നിരീക്ഷിച്ചു കൊണ്ടായിരുന്നു കോടതിയുടെ വിധി.
അഹമ്മദാബാദ് അമറേലി സെഷന്സ് കോടതിയുടെതാണ് വിധി. മൂന്നു പേര്ക്കാണ് കോടതി ജീവപര്യന്തം ശിക്ഷ വിധിച്ചത്. പശുക്കളെ കൊലപ്പെടുത്തി ഗോമാംസം കടത്തുകയും ചെയ്തതില് അക്രം ഹാജി സോളങ്കി, സത്താര് ഇസ്മായില് സോളങ്കി, ഖാസിം സോളങ്കി എന്നിവര് കുറ്റക്കാരാണെന്ന് കോടതി കണ്ടെത്തുകയായിരുന്നു. ഇതാദ്യമായാണ് പശുവിനെ കൊന്നതിന് രാജ്യത്തു ജീവപര്യന്തം തടവ് ശിക്ഷ വിധിക്കുന്നത്.
