ഹണി റോസ് തന്റെ കരിയറില് ഏറെ വ്യത്യസ്തമായ വേഷത്തിലെത്തുന്ന ''റേച്ചല്'' ക്രിസ്മസ് റിലീസായി ഡിസംബര് 6-ന് അഞ്ച് ഭാഷകളിലായി തിയറ്ററുകളിലെത്തും. പ്രശസ്ത സംവിധായകന് എബ്രിഡ് ഷൈന് സഹനിര്മ്മാതാവും സഹ രചയിതാവുമാകുന്ന ''റേച്ചല്''നവാഗതയായ ആനന്ദിനി ബാല സംവിധാനം ചെയ്യുന്നു.
പോത്ത് ചന്തയില് നില്ക്കുന്ന ഹണി റോസിനെ അവതരിപ്പിച്ചു കൊണ്ടുള്ള സിനിമയുടെ ആദ്യ പോസ്റ്ററുകള് വലിയ സ്വീകാര്യത നേടിയിരുന്നു. സിനിമയുടെ ടീസറും ഏവരും ഏറ്റെടുത്തിരുന്നു. ഏറെ വയലന്സും രക്തച്ചൊരിച്ചിലും നിറഞ്ഞ വ്യത്യസ്തമായൊരു അനുഭവമായിരിക്കും റേച്ചല് നല്കുന്നത്. മലയാളം കൂടാതെ കന്നഡ, തെലുങ്ക്, തമിഴ്,ഹിന്ദി ഭാഷകളിലും ചിത്രം റിലീസ് ചെയ്യും.
ഹണി റോസിനെ കൂടാതെ ബാബുരാജ്, കലാഭവന് ഷാജോണ്, റോഷന് ബഷീര്, ചന്തു സലിംകുമാര്, രാധിക രാധാകൃഷ്ണന്, ജാഫര് ഇടുക്കി, വിനീത് തട്ടില്,ജോജി,ദിനേശ് പ്രഭാകര്,പോളി വത്സന്,വന്ദിത മനോഹരന് തുടങ്ങിയ പ്രമുഖ താരങ്ങളും അഭിനയിക്കുന്ന ഒരു റിവഞ്ച് ത്രില്ലര് ചിത്രമാണിത്.
ബാദുഷാസ് സില്വര് സ്ക്രീന് എന്റര്ടെയ്ന്മെന്റിന്റെ ബാനറില് മഞ്ജു ബാദുഷ,ഷാഹുല് ഹമീദ്,രാജന് ചിറയില് എന്നിവര് ചേര്ന്നാണ് 'റേച്ചല്'നിര്മ്മിക്കുന്നത്. രാഹുല് മണപ്പാട്ടിന്റെ കഥയ്ക്ക് രാഹുല് മണപ്പാട്ടും എബ്രിഡ് ഷൈനും ചേര്ന്ന് തിരക്കഥയൊരുക്കുന്നു. ശ്രീ പ്രിയ കമ്പയിന്സിലൂടെ ബാദുഷാസ് സില്വര് സ്ക്രീന് എന്റര്ടെയ്ന്മെന്റ് സിനിമ പ്രദര്ശനത്തിനെത്തിക്കുന്നു.
സംഗീതം, പശ്ചാത്തലസംഗീതം- ഇഷാന് ഛബ്ര, എഡിറ്റര്-മനോജ്, ഛായാഗ്രഹണം- സ്വരൂപ് ഫിലിപ്പ്.
