ഗുരുതര കുറ്റകൃത്യം നടന്നാല് 15 മിനിറ്റിനുള്ളില് സ്ഥലത്തെത്തണം; പൊലീസിനെതിരെ വടിയെടുത്തു ഹോം സെക്രട്ടറി
ഗുരുതര കുറ്റകൃത്യം നടന്നാല് 15 മിനിറ്റിനുള്ളില് പൊലീസ് സ്ഥലത്ത് എത്തിച്ചേരണമെന്ന് ഹോം സെക്രട്ടറി. 18 ബില്യണ് പൗണ്ട് ചെലവിട്ടുള്ള പരിഷ്കാരങ്ങളിലാണ് പുതിയ നിബന്ധനകളും വരുന്നത്. കാലങ്ങള് നീണ്ട പൊലീസ് സേവനങ്ങളില് പുതിയ പരിഷ്കാരങ്ങള് കൊണ്ടുവരികയാണ് ഹോം സെക്രട്ടി ഷബാന മഹ്മൂദ്. കുറ്റകൃത്യങ്ങളില് അടുത്ത നിമിഷം നടപടിയെടുക്കുന്നതാണ് പ്രധാനം.
ഇംഗ്ലണ്ടിലും വെയില്സിലും 999 കോള് ലഭിച്ചാല് 15 മിനിറ്റിലും പ്രാദേശിക മേഖലയില് 20 മിനിറ്റിലും എത്തണം. 999 കോളുകള്ക്ക് പത്തു സെക്കന്ഡില് മറുപടി നല്കണം.
വേണ്ടത്ര മികച്ച സേവനം നല്കാന് സാധിച്ചില്ലെങ്കില് നടപടിയുണ്ടാകും. വിദഗ്ധരെ നിയോഗിച്ച് സേവനം മെച്ചമാക്കാന് നടപടിയുണ്ടാകും. ഗാര്ഹിക പീഡനം ഉള്പ്പെടെ മണിക്കൂറില് കുറ്റകൃത്യങ്ങളുടെ എണ്ണമേറുമ്പോള് പൊലീസിന്റെ ജാഗ്രത അനിവാര്യമാണ്. ക്രിമിനലുകള്ക്കെതിരെ ശക്തമായ നടപടി വേണം. സുരക്ഷിത ജീവിതം ഉറപ്പാക്കാന് പൊലീസ് സേവനം മെച്ചപ്പെടുത്തേണ്ടതുണ്ടെന്നും ഹോം സെക്രട്ടറി പറഞ്ഞു.
