ലണ്ടനില് തിരക്കേറിയ തെരുവില് സ്ത്രീ കുത്തേറ്റ് മരിച്ചു; പ്രതി പിടിയില്
ലണ്ടനിലെ തിരക്കേറിയ വില്സ്ഡന് പ്രദേശത്ത് സ്ത്രീ കുത്തേറ്റ് മരിച്ചു. വൈകിട്ട് നാലുമണിയോടെ പൗണ്ട് ലെയ്നില് ഒരാള്ക്ക് കുത്തേറ്റതായി വിവരം ലഭിച്ചതിനെ തുടര്ന്ന് പോലീസ് സ്ഥലത്തെത്തി. 50 വയസുള്ള സ്ത്രീയെ ഗുരുതരമായ കുത്തേറ്റ നിലയില് കണ്ടെത്തിയെങ്കിലും സ്ഥലത്തുതന്നെ മരണം സംഭവിച്ചു.
സംഭവവുമായി ബന്ധപ്പെട്ട് 30 വയസുള്ള ഒരാളെ പോലീസ് അറസ്റ്റ് ചെയ്തു. മരിച്ച സ്ത്രീ പ്രതിക്ക് പരിചയമുള്ള ആളാണെന്നാണ് പ്രാഥമിക വിവരം. കൊലപാതകശ്രമം കുറ്റം ചുമത്തിയാണ് നിലവില് അറസ്റ്റ് ചെയ്തിരിക്കുന്നത് . വടക്കന് ലണ്ടനിലെ ഒരു പോലീസ് സ്റ്റേഷനില് ഇയാളെ കസ്റ്റഡിയില് വെച്ചിരിക്കുകയാണ്. അന്വേഷണം പുരോഗമിക്കുകയാണെന്ന് മെട്രോപൊളിറ്റന് പോലീസ് അറിയിച്ചു.
സംഭവത്തെ ആശങ്കാജനകമെന്ന് ബ്രെന്റ് മേഖലയിലെ മുതിര്ന്ന പോലീസ് ഉദ്യോഗസ്ഥര് വിശേഷിപ്പിച്ചു. വരും ദിവസങ്ങളില് പ്രദേശത്ത് പോലീസ് സാന്നിധ്യം വര്ധിപ്പിക്കുമെന്ന് അവര് അറിയിച്ചു. ഇത് ഒറ്റപ്പെട്ട സംഭവമാണെന്നും പൊതുജനങ്ങള്ക്ക് കൂടുതല് അപകടസാധ്യതയില്ലെന്നും പോലീസ് വ്യക്തമാക്കി. സംഭവസ്ഥലത്ത് ആദ്യം സഹായം നല്കിയ പൊതുജനങ്ങള്ക്ക് പോലീസ് നന്ദി അറിയിച്ചു.
