നോര്‍ത്തേണ്‍ അയര്‍ലന്‍ഡിലെ ഡൗണ്‍പാട്രിക്കില്‍ താമസിച്ചു വന്നിരുന്ന ആദ്യകാല കുടിയേറ്റക്കാരില്‍ ഒരാളായിരുന്ന വര്‍ഗീസ് അട്ടാശ്ശേരില്‍ (തങ്കച്ചന്‍-59 ) മരണത്തിന് കീഴടങ്ങി. ബെല്‍ഫാസ്റ്റിലെ സിറ്റി ഹോസ്പിറ്റലില്‍ വച്ച് ഇന്നലെ ഉച്ചക്ക് 1:15 ന് ആയിരുന്നു അന്ത്യം.
പരേതന്‍ തൈറോയ്ഡ് സംബന്ധമായ ചികിത്സയിലിരിക്കുമ്പോളായിരുന്നു കാന്‍സര്‍ സ്ഥിരീകരിച്ചത്. ഭാര്യ റീന തൃശൂര്‍ പട്ടിക്കാട് ചെറുവള്ളി കുടുംബാംഗമാണ്. മൂന്ന് പെണ്മക്കളാണ് (ഡയാന, ആഷ്ലിന്‍, ഐറിന്‍) പരേതനുള്ളത്.
സംസ്‌കാര ശുശ്രൂഷകള്‍ ഡൗണ്‍പട്രിക്കില്‍ വെച്ചു പിന്നീട് നടത്തപ്പെടും.
