ഓസ്കര്‍ അവാര്‍ഡ്: മൈക്കല്‍ ബി ജോര്ദാന് മികച്ച നടന്‍, മികച്ച നടി ജെസ്സി ബക്ലി; ചരിത്രം കുറിച്ച് 'വണ്‍ ബാറ്റില്‍ ആഫ്റ്റര്‍ അനദര്‍'
മികച്ച ചിത്രത്തിനുള്ള ഓസ്കര്‍ അവാര്‍ഡ് വണ്‍ ബാറ്റില്‍ ആഫ്റ്റര്‍ അനദറിന്. പോള്‍ തോമസ് ആന്‍ഡേഴ്സണാണ് സംവിധായകന്‍. നേരത്തെ മികച്ച സംവിധായകനുള്ള ഓസ്കറും പോള്‍ തോമസ് ആന്‍ഡേഴ്സണ് ലഭിച്ചിരുന്നു. വണ്‍ ബാറ്റില്‍ ആഫ്റ്റര്‍ അനദറാണ് പുരസ്കാരവേട്ടയില്‍ മുന്നില്‍. സംവിധായകനുള്‍പ്പെടെ ആറുപുരസ്കാരങ്ങളാണ് ചിത്രം കരസ്ഥമാക്കിയത് .
സിന്നേഴ്സ് എന്ന ചിത്രത്തിലെ പ്രകടനത്തിന് മൈക്കല്‍ ബി ജോര്ദാന് മികച്ച നടനുള്ള ഓസ്കര്‍ ലഭിച്ചു. ഹംനറ്റ് എന്ന ചിത്രത്തിലെ പ്രകടനത്തിന് ജെസ്സി ബക്ലി മികച്ച നടിയായി തെരഞ്ഞെടുക്കപ്പെട്ടു. വണ്‍ ബാറ്റില്‍ ആഫ്റ്റര്‍ അനദര്‍ എന്ന ചിത്രത്തിലെ പ്രകടനത്തിന് ഷോണ്‍ പെന്‍ ആണ് മികച്ച സഹനടനായി തെരഞ്ഞെടുക്കപ്പെട്ടത്. മികച്ച അവലംബിത തിരക്കഥയ്ക്കുള്ള പുരസ്കാരം ലഭിച്ചത് വണ്‍ ബാറ്റില്‍ ആഫ്റ്റര്‍ അനദര്‍ എന്ന ചിത്രത്തിനായി പോള്‍ തോമസ് ആന്‍ഡേഴ്സണാണ്. മികച്ച കാസ്റ്റിങിനുള്ള ഓസ്കറും വണ്‍ ബാറ്റില്‍ ആഫ്റ്റര്‍ അനദറിനാണ്. മികച്ച തിരക്കഥക്കുള്ള പുരസ്കാരം സിന്നേഴ്സിനും വെപ്പണ്‍സ് എന്ന ചിത്രത്തിലെ പ്രകടനത്തിനായി ആമി മാടിഗണും ഓസ്കര്‍ ലഭിച്ചു.
സിന്നേഴ്സും വണ്‍ ബാറ്റില്‍ ആഫ്റ്റര്‍ അനദറും തമ്മിലാണ് മികച്ച ചിത്രമാകാനുള്ള മത്സരം നടന്നത്. ഓസ്കര്‍ ചരിത്രത്തില്‍ തന്നെ ഏറ്റവും കൂടുതല്‍ നോമിനേഷമുകള്‍ വാരിക്കൂട്ടിയ ചത്രമാണ് റയാന്‍ കൂഗ്ലര്‍ സംവിധാനം ചെയ്ത സിന്നേഴ്സ്.
ഓസ്കര്‍ വേദിയില്‍ ചരിതം കുറിച്ച് ഛായാഗ്രാഹക ഓട്ടം ഡ്യൂറള്‍ഡ് അര്‍ക്കപോ. ഈ വിഭാഗത്തില്‍ ഓസ്കര്‍ നേടുന്ന ആദ്യ വനിതയായി അര്‍ക്കപോ മാറി. സിന്നേഴ്സ് എന്ന ചിത്രത്തിലെ ഛായാഗ്രഹണത്തിനാണ് ഓട്ടം ഡ്യൂറള്‍ഡ് അര്‍ക്കപോ ഓസ്‌കറിന്‌ അര്‍ഹയായത്.
