ക്രോയ്ഡോണ് മലയാളിയും വര്ക്കല സ്വദേശിയുമായ മുരളീധരന് നായര് (61) അന്തരിച്ചു. കഴിഞ്ഞ ദിവസം രാവിലെ ഉറക്കത്തില് ഹൃദയാഘാതം മൂലമാണ് അന്ത്യം സംഭവിച്ചത്. ജോലിക്ക് പോകാനായി വിളിച്ചപ്പോഴാണ് കിടപ്പുമുറിയില് മരിച്ച നിലയില് കണ്ടെത്തിയത്.
വര്ക്കല സ്വദേശിയായ മുരളീധരന് നായര് കഴിഞ്ഞ 35 വര്ഷമായി യുകെയില് സ്ഥിരതാമസക്കാരനാണ്. മിച്ചത്തുള്ള പ്ലാസ്റ്റിക് നിര്മ്മാണ കമ്പനിയില് ദീര്ഘകാലമായി സേവനമനുഷ്ഠിച്ചു വരികയായിരുന്നു. മൃതദേഹം നിലവില് ക്രോയ്ഡോണിലെ ആശുപത്രി മോര്ച്ചറിയില് സൂക്ഷിച്ചിരിക്കുകയാണ്.
മക്കള്: ഒരാണ്കുട്ടിയും ഒരു പെണ്കുട്ടിയും. സംസ്കാരം സംബന്ധിച്ച കൂടുതല് വിവരങ്ങള് പിന്നീട് അറിയിക്കും.
