പ്രസംഗത്തിനിടെ ചോദ്യം ചോദിച്ച ആളോട് വീട്ടില് പോയി ചോദിക്കാന് മുഖ്യമന്ത്രി പിണറായി വിജയന്റെ മറുപടി. കോന്നിയില് തെരഞ്ഞെടുപ്പ് കണ്വെന്ഷനില് പ്രസംഗിക്കുന്നതിനിടയായിരുന്നു സദസ്സിലിരുന്ന ഒരാള് ഒരു ചോദ്യം എന്ന് മുഖ്യമന്ത്രിയോട് പറഞ്ഞത്. കേരളത്തിലെ അടിസ്ഥാന സൗകര്യ വികസനങ്ങളെക്കുറിച്ച് മുഖ്യമന്ത്രി പ്രസംഗിക്കുമ്പോള് ആയിരുന്നു ചോദ്യമെത്തിയത്. ഈ ചോദ്യം ചോദിച്ചത് ദാസ് പി ജോര്ജ് ആയിരുന്നു. സജീവ സിപിഎം പ്രവര്ത്തകന് കൂടിയാണ് ദാസ് പി ജോര്ജ്.
എന്നാല് മുഖ്യമന്ത്രി പ്രസംഗിക്കുമ്പോള് താന് അങ്ങനെ ചോദിക്കാന് പാടില്ലായിരുന്നുവെന്നും മറുപടിയില് വിഷമം തോന്നിയില്ല എന്നും ദാസ് പി ജോര്ജ് പിന്നീട് പറഞ്ഞു. മുഖ്യമന്ത്രിയുടെ പ്രസംഗം കേട്ടപ്പോള് ആവേശഭരിതനായി, വീണ്ടും ഭരണം കിട്ടുമെന്ന് തോന്നി.
കേന്ദ്രസര്ക്കാര് സാമ്പത്തികമായി ഞെരിക്കുമ്പോള് ആ പ്രതിസന്ധി എങ്ങനെ തരണം ചെയ്യും, എങ്ങനെ വികസനം നടത്തും എന്നാണ് താന് ചോദിക്കാന് ഉദ്ദേശിച്ചത്. മുഖ്യമന്ത്രിയെ നേരിട്ട് കാണാന് പറ്റിയാലും ഈ ചോദ്യമാകും താന് ചോദിക്കുക എന്നും ദാസ് പി ജോര്ജ് പറഞ്ഞു.
