ബ്രിട്ടനില് ഉയര്ന്നുവരുന്ന ജീവിതച്ചെലവും സാമ്പത്തിക പ്രതിസന്ധിയും കാരണം യുവ ജനത സ്വന്തം വീട്ടില് നിന്ന് മാറി താമസിക്കാന് മടിക്കുന്നു. ജീവിത ചെലവ് പ്രതിസന്ധി നേരിടാന് കഴിയാത്തതു മൂലം നിരവധി യുവാക്കള് മാതാപിതാക്കള്ക്കൊപ്പം തന്നെ ജീവിക്കുന്ന പ്രവണതയാണ് കണ്ടുവരുന്നതെന്ന് റിപ്പോര്ട്ട് പറയുന്നു.
വാടക നിരക്കുകളുടെ വര്ധന, വീട്ടുചെലവുകള് ഉയര്ന്നത്, സ്ഥിരതയില്ലാത്ത വരുമാനം എന്നിവയാണ് ഈ പ്രവണതയ്ക്ക് പ്രധാന കാരണങ്ങള്. പഠനങ്ങള് പ്രകാരം, യുവാക്കളില് വലിയൊരു വിഭാഗം ചെലവ് കുറയ്ക്കാനും ഭാവിക്കായി പണം സമ്പാദിക്കാനും മാതാപിതാക്കളോടൊപ്പം താമസിക്കുന്നത് ഒരു പ്രവണതയായി മാറുകയാണ്.
ഏകദേശം 66% യുവാക്കള്ക്ക് മാതാപിതാക്കള്ക്കൊപ്പം താമസിക്കുന്നതാണ് ഗുണകരമെന്ന് വിലയിരുത്തുന്നു.
77% പേര് ഉയര്ന്ന ബില്ലുകള്, 71% പേര് ഉയര്ന്ന വാടക, 65% പേര് കുറഞ്ഞ വരുമാനം എന്നിവയാണ് പ്രധാന കാരണമായി പറയുന്നത്.പലരും കടബാധ്യത തീര്ക്കാനും സ്വന്തം വീട് വാങ്ങുന്നതിനായി സേവിംഗ് കൂട്ടാനും ഈ തീരുമാനമെടുക്കുന്നു.
ബ്രിട്ടനിലെ ദീര്ഘകാലമായുള്ള അനിയന്ത്രിതമായ ചെലവുകള് കാരണം യുവതലമുറ ബുദ്ധിമുട്ടുകയാണ്. പലരും വിവാഹം, കുടുംബം തുടങ്ങിയ പ്രധാന തീരുമാനങ്ങള് പോലും വൈകിപ്പിക്കുന്ന പ്രവണതയാണ് കാണുന്നത്. ജോലിയിലോ പഠനത്തിലോ അല്ലാതിരിക്കുന്ന യുവജനതയുടെ എണ്ണം വലിയ തോതില് കൂടുന്നതും ആശങ്കപ്പെടുത്തുന്ന കാര്യമാണ്.
