ഗ്ലോസ്റ്ററില് മലയാളി യുവതി ഓടിച്ച കാര് അപകടത്തില്പ്പെട്ട് തദ്ദേശീയ വനിതയ്ക്ക് ദാരുണാന്ത്യം . യുകെ ഡ്രൈവിങ് ലൈസന്സ് ഇല്ലാതെയാണ് യുവതി വാഹനം ഓടിച്ചിരുന്നതെന്നാണ് പുറത്തുവരുന്ന വിവരങ്ങള്. കാറോടിച്ച തിരുവനന്തപുരം സ്വദേശിനിയായ യുവതി പരുക്കേറ്റ് ആശുപത്രിയില് ചികിത്സയില് കഴിയുകയാണ്. യുവതി ഓടിച്ച വാഹനം മറ്റൊരു കാറുമായി കൂട്ടിയിടിച്ചാണ് അപകടമുണ്ടായത്.
ഗ്ലോസ്റ്ററിലെ ഒരു കെയര് ഹോമില് ജോലി ചെയ്തിരുന്ന യുവതി കുവൈത്തില് നിന്നെത്തിയ ആളാണെന്നും യുകെ ഡ്രൈവിങ് ലൈസന്സ് ഇല്ലാതെയാണ് വാഹനം ഓടിച്ചതെന്നും അന്വേഷണത്തില് വ്യക്തമാകുന്നതായി റിപ്പോര്ട്ടുകള് സൂചിപ്പിക്കുന്നു.
ലൈസന്സ് ഇല്ലാതെ വാഹനം ഓടിച്ച് അപകടമുണ്ടാക്കിയ സംഭവത്തില് പൊലീസ് കേസ് രജിസ്റ്റര് ചെയ്ത് അന്വേഷണം ആരംഭിച്ചിരിക്കുകയാണ്. പരുക്കുകള് കാരണം യുവതിയുടെ അറസ്റ്റ് നടപടികള് വൈകാന് സാധ്യതയുണ്ടെന്നാണ് വിവരം.
യുകെയില് ഡ്രൈവിങ് ലൈസന്സ് ഇല്ലാതെ വാഹനം ഓടിക്കുന്നത് ഗുരുതര കുറ്റമാണ്. ഇതിന് കനത്ത പിഴ, ഡ്രൈവിങ് നിരോധനം, ഇന്ഷുറന്സ് അസാധുവാകുന്നത് എന്നിവ ഉള്പ്പെടെ കര്ശന നടപടികള് നേരിടേണ്ടി വരും. ഗുരുതര അപകടങ്ങളില് ജയില് ശിക്ഷയ്ക്കും സാധ്യതയുണ്ട് .
