'ജനവിധിയെ അംഗീകരിക്കുന്നു, തിരഞ്ഞെടുപ്പിലുണ്ടായത് അപത്രീക്ഷിത തോല്വി'; നാലാം ദിവസം മൗനം വെടിഞ്ഞു പിണറായി
നിയമസഭാ തിരഞ്ഞെടുപ്പ് തോല്വിയില് നാലാം ദിവസം ആദ്യ പ്രതികരണവുമായി പിണറായി വിജയന്. തിരഞ്ഞെടുപ്പിലുണ്ടായത് അപത്രീക്ഷിത തോല്വിയാണെന്ന് പറഞ്ഞ പിണറായി വിജയന് ജനവിധിയെ അംഗീകരിക്കുന്നുവെന്ന് കൂട്ടിച്ചേര്ത്തു. ഉത്തരവാദിത്തമുള്ള പ്രതിപക്ഷമായി എല്ഡിഎഫ് പ്രവര്ത്തിക്കുമെന്നും തിരഞ്ഞെടുപ്പ് ഫലം സമഗ്രമായി പരിശോധിക്കുമെന്നും പിണറായി വിജയന് പറഞ്ഞു. ഫേസ് ബുക്ക് കുറിപ്പിലൂടെയാണ് പ്രതികരണം
പാര്ട്ടി പ്രവര്ത്തകരുടെ അഭിപ്രായങ്ങള് കേള്ക്കുമെന്നും പിണറായി വിജയന് പറഞ്ഞു. വിജയം നേടിയ യുഡിഎഫിനെ അഭിനന്ദനങ്ങള് അറിയിക്കുന്നുവെന്നും ഇടതുപക്ഷ ജനാധിപത്യ മുന്നണിയെ സംബന്ധിച്ചിടത്തോളം തീര്ത്തും അപ്രതീക്ഷിതമായ തിരഞ്ഞെടുപ്പ് ഫലമാണ് വന്നിട്ടുള്ളതെന്നും പിണറായി വിജയന് കൂട്ടിച്ചേര്ത്തു. എല്ലാവിധ എതിര്പ്രചാരണങ്ങള്ക്കും ആക്രമണങ്ങള്ക്കും ഇടയിലും എല്ഡിഎഫിന് ജനങ്ങള് നല്കിയ പിന്തുണയ്ക്ക് നന്ദി പറയുന്നുവെന്നും പിണറായി വിജയന് പറഞ്ഞു.
മൂന്നാംവട്ടം തുടര്ച്ചയായി പ്രതീക്ഷിച്ച വിജയം കൈവിട്ടെങ്കിലും, വലിയൊരു ജനവിഭാഗം എല്ഡിഎഫിനൊപ്പം ഉറച്ചുനിന്നുവെന്നത് വലിയ ആത്മവിശ്വാസം നല്കുന്ന കാര്യമാണെന്ന് പിണറായി വിജയന് പറഞ്ഞു. എല്ഡിഎഫിന് ഈ ജനവിധി ഒരു അവസാനമല്ല, മറിച്ച് തുടര്ച്ചയായ രാഷ്ട്രീയ പ്രവര്ത്തനത്തിനുള്ള പുതിയ തുടക്കമാണെന്ന് പിണറായി വിജയന് പറഞ്ഞു. നവകേരള നിര്മ്മാണത്തിനായി എല്ഡിഎഫ് മുന്നോട്ടുവെച്ച കാഴ്ചപ്പാടുകള് - വിജ്ഞാന സമ്പദ്വ്യവസ്ഥ, യുവജന തൊഴില്, സാമൂഹ്യനീതി, പൊതുആരോഗ്യവും വിദ്യാഭ്യാസവും - ഇവയെല്ലാം ഇനി മുന്നോട്ടുപോകുമെന്ന് ശക്തമായ പ്രതിപക്ഷ നിലപാടിലൂടെ ഉറപ്പാക്കുമെന്നും പിണറായി പറഞ്ഞു.
