വിവാഹ ദിവസം വരനെ തൂങ്ങിമരിച്ച നിലയില്‍ കണ്ടെത്തി. ജമ്മു കശ്മീരില്‍ എസ്എസ്ബി ബോര്‍ഡര്‍ പൊലീസ് ഉദ്യോഗസ്ഥന്‍ മുണ്ടേരി പഞ്ചായത്തിലെ മാവിലാച്ചാല്‍ കൊല്ലാന്‍ ചിറ റോഡില്‍ നാരായണീയത്തില്‍ ഷബിന് (28) ആണ് മരിച്ചത്. ഇന്നു വിവാഹം നടക്കാനിരിക്കെയാണ് സംഭവം.
ഞായര്‍ രാത്രി വീട്ടില്‍ വിവാഹവുമായി ബന്ധപ്പെട്ട് വിരുന്നൊരുക്കിയിരുന്നു. അര്‍ധരാത്രിയോടെ വിരുന്ന് സല്‍ക്കാരം കഴിഞ്ഞ് എല്ലാവരും തിരികെ പോയി. ഈ സമയം ഷബിന് ഫോണ്‍ വന്നു.
നവ വധുവാണ് വിളിച്ചതെന്നാണ് ഷിബിന്റെ ബന്ധുക്കള്‍ പറയുന്നു. ഫോണില്‍ സംസാരിച്ചുകൊണ്ട് മുറിയിലേക്ക് പോവുകയായിരുന്നു. തുടര്‍ന്ന് മുറിയില്‍ കയറി വാതിലടച്ചു. വെളുപ്പിന് അമ്പലത്തില്‍ ഫോട്ടോ ഷൂട്ടിന് പോകാന്‍ വീട്ടുകാര്‍ വിളിക്കാനായി എത്തിയപ്പോഴാണ് മുറിയിലെ ശുചിമുറിയില്‍ തൂങ്ങി മരിച്ച നിലയില്‍ കണ്ടെത്തിയത്.
