നടിയെ ആക്രമിച്ച കേസില് അതിജീവിത നല്കിയ ഹര്ജി പരിഗണിക്കുന്നതില് നിന്ന് ജഡ്ജി പിന്മാറി. ഇതുമായി ബന്ധപ്പെട്ട വിഷയം നേരത്തെ പരിഗണിച്ച പശ്ചാത്തലത്തിലാണ് പിന്മാറ്റം. ജസ്റ്റിസ് ജോബിന് സെബാസ്റ്റ്യന് പിന്മാറിയതോടെ മറ്റൊരു ബെഞ്ച് അപേക്ഷ പരിഗണിക്കും. പുനരന്വേഷണം ആവശ്യപ്പെട്ടാണ് അതിജീവിത ഹര്ജി നല്കിയത്.
മെമ്മറി കാര്ഡ് ഹാഷ് വാല്യൂ മാറിയതില് അന്വേഷണം വേണമെന്നും അതിജീവിത കോടതിയില് ആവശ്യപ്പെട്ടു. നടി ആക്രമിക്കപ്പെട്ട കേസിലെ നിര്ണായക തെളിവായ മെമ്മറി കാര്ഡിന്റെ ഹാഷ് വാല്യു മാറിയതില് പുനരന്വേഷണം വേണമെന്നാവശ്യപ്പെട്ട് അതിജീവിത നല്കിയ ഹര്ജി വിശദമായി കേള്ക്കാമെന്ന് ഹൈകോടതി അറിയിച്ചു.
