ഡീയസ് ഈറെയ്ക്ക് ശേഷം രാഹുല് സദാശിവന് സംവിധാനം ചെയ്യുന്ന പുതിയ ചിത്രം 'ഒടിയന്: ദി ഏജ് ഓഫ് ഇല്ല്യൂഷന്' ന്റെ ടൈറ്റില് പോസ്റ്റര് പുറത്ത്. പൃഥ്വിരാജ്, മഞ്ജു വാര്യര് എന്നിവരാണ് പ്രധാന കഥാപാത്രങ്ങളായി എത്തുന്നത്. പാന് ഇന്ത്യന് ചിത്രമായാണ് ചിത്രം ഒരുങ്ങുന്നത് എന്നാണ് പോസ്റ്ററില് നിന്നുള്ള സൂചന.
'സത്യത്തിനും മിഥ്യയ്ക്കും ഇടയിലുള്ള പോരാട്ടം ഉടന് ആരംഭിക്കുന്നു' എന്ന കുറിപ്പോടെ പൃഥ്വിരാജ് തന്നെയാണ് പോസ്റ്റര് സോഷ്യല് മീഡിയയില് പങ്കുവച്ചത്. രാഹുല് സദാശിവന് തന്നെയാണ് രചന.
പൃഥ്വിരാജ് പ്രൊഡക്ഷന്സും കരണ് ജോഹറിന്റെ ധര്മ പ്രൊഡക്ഷന്സും ചേര്ന്ന് അവതരിപ്പിക്കുന്ന ചിത്രം സുപ്രിയ മേനോന്, കരണ് ജോഹര്, അദാര് പൂനവാല, അപൂര്വ മെഹ്ത എന്നിവരാണ് നിര്മിക്കുന്നത്. മലയാളം, തമിഴ്, തെലുങ്ക്, കന്നഡ, ഹിന്ദി എന്നീ ഭാഷകളിലാണ് ചിത്രം ഒരുങ്ങുന്നത്.
മലയാളത്തില് ഇതേപേരില് നേരത്തേ 2018-ല് മോഹന്ലാല് നായകനായി ഒടിയന് എന്ന ചിത്രം പുറത്തിറങ്ങിയിരുന്നു. വി.എ. ശ്രീകുമാര് മേനോന് സംവിധാനം ചെയ്ത ചിത്രത്തില് മഞ്ജു വാര്യരായിരുന്നു നായിക.
