ശശി തരൂര് എം പി തിരുവനന്തപുരം പിഎംജിയിലെ സ്വകാര്യ ഹോട്ടലിന്റെ ലിഫ്റ്റില് കുടുങ്ങി. ഒരു സ്വകാര്യ പരിപാടിയിൽ പങ്കെടുക്കാന് എത്തിയതായിരുന്നു ശശി തരൂര് എം പി. ലിഫ്റ്റിന് സാങ്കേതിക തകരാറായിരുന്നു. ഓവര് ലോഡിനെ തുടര്ന്ന് ലിഫ്റ്റ് ആറാം നിലയില് നിന്നു. തുടര്ന്ന് സ്ഥലത്ത് ഫയര്ഫോഴ്സ് എത്തി.
അര മണിക്കൂറായി ലിഫ്റ്റില് കുടുങ്ങി. പെട്ടെന്ന് എന്ത് ചെയ്യണമെന്ന് അറിയില്ലായിരുന്നു. ഉടന് സമയോചിത ഇടപെടല് നടത്തിയ ഫയര്ഫോഴ്സിന് അദ്ദേഹം നന്ദി അറിയിച്ചു. ഫയര് ഫോഴ്സ് ജീവനക്കാരെ ശശി തരൂര് ഷാള് അണിയിച്ചു.
എല്ലാവരും ഓക്കേ ആണെന്നും ആര്ക്കും ഒന്നും സംഭവിച്ചില്ലെന്നും പുറത്തെത്തിയ ശേഷം തരൂര് പറഞ്ഞു. ആദ്യം ലിഫ്റ്റിന്റെ ആളുകളെയും പിന്നീട് ഹോട്ടലിലെ ആളുകളെയും വിളിച്ചു. അവര്ക്കൊന്നും ചെയ്യാന് സാധിച്ചില്ല. പിന്നീടാണ് ഫയര് ഫോഴ്സ് ജീവനക്കാരെ വിളിച്ചത്, തരൂര് പറഞ്ഞു.
