ജര്‍മനിയില്‍ ട്രെയിന്‍ തട്ടി മലയാളി വിദ്യാര്‍ഥി മരിച്ചു. പത്തനംതിട്ട റാന്നി കരികുളം സ്വദേശി അനന്തു മോഹന്‍ (29 ആണ് മരിച്ചത്. സാക്സണിലെ ഫ്രൈബര്‍ഗ് ടെക്നിക്കല്‍ യൂണിവേഴ്സിറ്റിയിലെ ബിരുദാനന്തര ബിരുദ വിദ്യാര്‍ഥിയായിരുന്നു. പരേതനായ മോഹന്‍ കുമാറിന്റെയും ബിന്ദു മോഹന്റെയും മകനാണ്. സഹോദരി: നവമി. തേവാങ്കര (കുന്നക്കാട്ട്) കുടുംബാംഗമാണ്.
നിയമനടപടികള്‍ പൂര്‍ത്തിയാക്കിയ ശേഷം മൃതദേഹം എയര്‍ ഇന്ത്യ വിമാനത്തില്‍ ന്യൂഡല്‍ഹി വഴി ജൂലൈ 23 വ്യാഴാഴ്ച പുലര്‍ച്ചെ 1:20-ന് കൊച്ചി രാജ്യാന്തര വിമാനത്താവളത്തിലെത്തിക്കും. തുടര്‍ന്ന്, ആറന്മുളയിലുള്ള തറവാട്ടു വീട്ടുവളപ്പില്‍ വ്യാഴാഴ്ച ഉച്ചയ്ക്ക് 12 മണിയോടെ സംസ്‌കാരം നടക്കും.
