അവധിയ്ക്ക് നാട്ടിലെത്തിയ യുകെ മലയാളി ഹൃദയാഘാതം മൂലം മരിച്ചു. തൊടുപുഴ സ്വദേശിയായ മഹേഷ് മത്തായി (50) ആണ് വിടപറഞ്ഞത്.
അടുത്തിടെയാണ് ഒരു മാസത്തെ അവധിക്ക് അമ്മയെ കാണാന്‍ നാട്ടില്‍ എത്തിയ മഹേഷ് തിരികെ യുകെയിലേക്ക് മടങ്ങാന്‍ മണിക്കൂറുകള്‍ ബാക്കി നില്‍ക്കെയാണ് മരണത്തിനു കീഴടങ്ങിയതായി യുകെയില്‍ വിവരം എത്തുന്നത്. ഉറക്കത്തില്‍ ഹൃദയാഘാതത്തിനു കീഴടങ്ങിയെന്നാണ് വിവരം.
തൊടുപുഴ ആശാരികുടിയില്‍ കുടുംബ അംഗമായ മഹേഷിന്റെ സംസ്‌കാരം പ്രിയപെട്ടവരുടെ സാന്നിധ്യത്തില്‍ പൂര്‍ത്തിയാക്കും എന്നാണ് അറിയാനാകുന്നത്.
