ന്യൂഹാം: മകനെയും കുടുംബത്തെയും സന്ദര്‍ശിക്കാനായി യുകെയിലെ ന്യൂഹാമിലെത്തിയ പിതാവ് കുഴഞ്ഞു വീണു മരിച്ചു. തൃശൂര്‍ വെള്ളികുളങ്ങര സ്വദേശിയായ വര്‍ഗീസ് കാഞ്ഞൂക്കാരന്‍ (62) ആണ് അന്തരിച്ചത്. വെള്ളിയാഴ്ചയായിരുന്നു സംഭവം.
വീട്ടില്‍ വെച്ച് പെട്ടെന്ന് കുഴഞ്ഞു വീണ വര്‍ഗീസിന് ഹൃദയാഘാതം സംഭവിച്ചതാണ് മരണകാരണമെന്നാണ് ലഭ്യമാകുന്ന വിവരം. ഉടന്‍ തന്നെ വൈദ്യസഹായം ലഭ്യമാക്കാന്‍ ശ്രമിച്ചെങ്കിലും ജീവന്‍ രക്ഷിക്കാനായില്ല.
കുടുംബത്തോടൊപ്പം സമയം ചെലവഴിക്കുന്നതിനായി യുകെയിലെത്തിയതായിരുന്നു അദ്ദേഹം. സംസ്‌കാര വിവരങ്ങള്‍ പിന്നീട് അറിയിക്കും.
