അങ്കമാലി: കൊല്ലത്തുനിന്ന് കാണാതായ പത്താം ക്ലാസ് വിദ്യാര്ഥിനിയും ബന്ധുവും അങ്കമാലിയില് ട്രെയിന് തട്ടി മരിച്ച നിലയില്. കൊല്ലം വളത്തൂങ്കല് ആക്കോലില് സ്വദേശിയായ വിസ്മയ(15), ബന്ധു കൊല്ലം കണ്ണനല്ലൂര് സ്വദേശിയായ അഭിലാഷ്(21) എന്നിവരാണ് മരിച്ചത്. വിസ്മയെയും അഭിലാഷിനെയും കാണാനില്ലെന്ന് കാണിച്ച് ബന്ധുക്കള് പൊലീസില് പരാതി നല്കിയിരുന്നു. ഇതിന്റെ അടിസ്ഥാനത്തില് പൊലീസ് കേസെടുത്ത് അന്വേഷണം നടത്തിവരികയായിരുന്നു. ഇതിനിടെയാണ് ഇരുവരെയും മരിച്ച നിലയില് കണ്ടെത്തിയത്.
ഇന്ന് പുലര്ച്ചെ 1.45 ഓടെയാണ് അപകടം നടന്നത്. തൃശൂര് ഭാഗത്തേക്ക് പോയ ട്രെയിനാണ് ഇരുവരെയും ഇടിച്ചത്. ഇരുവരും സംഭവ സ്ഥലത്തുതന്നെ മരിച്ചു. പ്രദേശത്തുണ്ടായിരുന്നവര് ചേര്ന്ന് മൃതദേഹങ്ങള് താലൂക്ക് ആശുപത്രിയിലേക്ക് മാറ്റി. പൊലീസ് എത്തി പരിശോധിച്ച ശേഷമാണ് ബന്ധുക്കളെ വിവരമറിയിച്ചത്. പോസ്റ്റ്മോര്ട്ടത്തിനുശേഷം മതദേഹങ്ങള് ബന്ധുക്കള്ക്ക് വിട്ടുനല്കും.
ഇന്നലെയാണ് വിസ്മയയെ കാണാതായത്. സ്കൂളിലേക്കെന്നു പറഞ്ഞു രാവിലെ വീട്ടില്നിന്നിറങ്ങിയ കുട്ടി സ്കൂളില് എത്തിയിരുന്നില്ല. മയ്യനാട് സ്കൂളിലെ വിദ്യാര്ഥിനിയാണ്. വൈകിട്ട് 6 മണി കഴിഞ്ഞു വീട്ടില് തിരിച്ചെത്താത്തതിനെത്തുടര്ന്നു നടത്തിയ അന്വേഷണത്തിലാണ് കുട്ടി സ്കൂളില് എത്തിയിരുന്നില്ലെന്ന വിവരം മാതാപിതാക്കള് അറിയുന്നത്.
