ലണ്ടന്: കൊതുക് പരത്തുന്ന മലേറിയ ചെറുക്കാന് 2015 ഓടെ വാക്സിന് വിപണിയില് എത്തിയേക്കുമെന്നാണ് സൂചന. ഗ്ലാക്സോ സ്മിത്തലൈന് എന്ന ബ്രട്ടീഷ് മരുന്നുകമ്പനിയാണ് ലോകത്ത് ഈ രോഗത്തിനുള്ള വാക്സിന് വികസിപ്പിച്ചിരിക്കുന്നത്. ആഫ്രിക്കന് കുട്ടികളില് നടത്തിയ പരീക്ഷണത്തില് രോഗം ഗണ്യമായി കുറക്കാന് വാക്സിന് കഴിയുന്നതായി കണ്ടിട്ടുണ്ട്.
ആര്.ടി.എസ്, എസ് എന്ന ഈ വാക്സിന് അമ്പത് ശതമാനം കുട്ടികളില് രോഗം പ്രതിരോധിക്കാന് സാധിച്ചു. നവജാത ശിശുക്കളില് രോഗം കാല് ശതമാനത്തോളം പ്രതിരോധിക്കാനും വാക്സിന് കഴിഞ്ഞിട്ടുണ്ട്.
വാക്സിന്റെ വിപണനത്തിന് അനുമതി ലഭിക്കുന്നതിനായി ഈ റിപ്പോര്ട്ട് യൂറോപ്യന് മെഡിസിന്സ് ഏജന്സിയ്ക്ക് നല്കാനിരിക്കുകയാണ് ജി.എസ്.കെ. അനുമതി ലഭിക്കുന്നപക്ഷം 2015 മുതല് വാക്സിന് പിന്തുണ നല്കുമെന്ന് ലോക ആരോഗ്യ സംഘടനയും വ്യക്തമാക്കിയിട്ടുണ്ട്.
മലേറിയ ബാധിച്ച് ലോകത്താകമാനം ആയിരങ്ങള് മരിക്കുന്നു. അതിലേറെയും ആഫ്രിക്കയിലെ നവജാതശിശുക്കളാണ്
