മുലയൂട്ടാന് മടിക്കുന്ന ന്യൂജനറേഷന് അമ്മമാര് അറിയാന്-മുലയൂട്ടല് പ്രസവാനന്തര വിഷാദ സാധ്യത പാതിയായി കുറയ്ക്കുമെന്ന് പഠനം. തെക്ക് പടിഞ്ഞാറന് ഇംഗ്ലണ്ടിലെ 13998 ജനനങ്ങള് വിശകലനം ചെയ്താണ് കേംബ്രിജ് സര്വകലാശാലയിലെ ഗവേഷകര് ഈ കണ്ടെത്തല് നടത്തിയത്.
പ്രസവശേഷം പത്തിലൊന്ന് അമ്മമാര്ക്ക് വിഷാദം ഉണ്ടാകുന്നുണ്ടെന്നാണ് കണക്കുകള്. മുലയൂട്ടിത്തുടങ്ങിയവരില് പ്രസവാനന്തര വിഷാദ സാധ്യത 50 ശതമാനം കുറയുന്നതായി പഠനം കണ്ടെത്തി. എന്നാല് മുലയൂട്ടാന് ആഗ്രഹിച്ചിട്ടും പല കാരണങ്ങളാല് അത് സാധിക്കാത്തവരില് വിഷാദസാധ്യത ഇരട്ടിക്കുന്നതായും കണ്ടെത്തിയിട്ടുണ്ട്.
അമ്മമാര്ക്ക് മൂലയൂട്ടലിന്റെ പ്രയോജനങ്ങളെക്കുറിച്ച് ഉപദേശ, നിര്ദേശങ്ങളും മാനസിക പിന്തുണയും നല്കേണ്ടതുണ്ട് എന്നും മെറ്റണല് ആന്ഡ് ചൈല്ഡ് ഹെല്ത്ത് ജേണലില് പ്രസിദ്ധീകരിച്ച പഠനത്തില് പറയുന്നു. കുറഞ്ഞത് ആറുമാസമെങ്കിലും കുഞ്ഞുങ്ങളെ നിര്ബന്ധമായും മുലയൂട്ടണമെന്നാണ് ലോകാരോഗ്യസംഘടനയുടെ നിര്ദേശം.
