തിരുവനന്തപുരം: വിദേശ രാജ്യങ്ങളിലേക്ക് ഉള്ള നഴ്സിംഗ് റിക്രൂട്ട്മെന്റിന്റെ മറവിലുള്ള തട്ടിപ്പും ചൂഷണവും തടയുന്നതിന് പുതിയ നിബന്ധനകള് നിലവില് വന്നു. ഇതനുസരിച്ച് നോര്ക്ക റൂട്ട്സ് അടക്കമുള്ള മൂന്ന് ഏജന്സികള് വഴി മാത്രമാവും നഴ്സിംഗ് റിക്രൂട്ട്മെന്റുകള്. ഒപ്പം എമിഗ്രേഷന് ക്ലിയറന്സും നിര്ബന്ധമാക്കി.
പുതിയ നിബന്ധനകള് പ്രകാരം ഇന്ത്യയില് നിന്ന് മൂന്ന് ഏജന്സികള്ക്ക് മാത്രമേ റിക്രൂട്ടമെന്റിന് അനുമതിയുള്ളൂ. കേരളത്തില് നിന്ന് നോര്ക്കറൂട്ട്സ്, ഓവര്സീസ് ഡവലപ്പ്മെന്റ് ആന്റ് എംപ്ലോഴ്മെന്റ് പ്രമോഷന് കണ്സള്ട്ടണ്ട് (ഓഡെപക്), തമിഴ്നാട്ടില് നിന്നുള്ള ഓവര്സീസ് മാന് പവര് കണ്സള്ട്ടന്സി എന്നീ മൂന്നു സ്ഥാപനങ്ങള്ക്കാണ് റിക്രൂട്ട്മെന്റിന് അനുമതി നല്കിയിട്ടുള്ളത്.
കുവൈത്ത് അടക്കമുള്ള 19 രാജ്യങ്ങളിലേക്ക് നഴ്സുമാര്ക്ക് പുതിയ നിബന്ധനപ്രകാരം എമിഗ്രേഷന് ക്ലിയറന്സ് നിര്ബന്ധമാക്കിയിട്ടുണ്ട്. കൂടാതെ, ഇമൈഗ്രേറ്റ് വഴി നഴ്സുമാര് രജിസ്ട്രര് ചെയ്യണം.
കേന്ദ്ര സര്ക്കാറിന്റെ പുതിയ തീരുമാനത്തിന് ശേഷം കഴിഞ്ഞ മാസം 15ന് കേരളത്തില് നിന്നുളള ഉദ്യോഗസ്ഥ സംഘം കുവൈത്തിലെത്തി ആരോഗ്യ മന്ത്രാലയം അധികൃതരുമായി ചര്ച്ചകള് നടത്തിയിരുന്നു. ചര്ച്ചയില് ആരോഗ്യ മന്ത്രാലയം അനുകൂല നിലപാട് സ്വീകരിക്കുകയും തുടര് ചര്ച്ചകള് ഇന്ത്യന് എംബസി വഴി നടത്താനും തീരുമാനിച്ചിരുന്നു.
കേന്ദ്രസര്ക്കാര് നഴ്സിംഗ് റിക്രൂട്ട്മെന്റിന് വച്ചിരിക്കുന്ന പുതിയ നിബന്ധനകള് പ്രാബല്യത്തില് വന്നു.
