കാസര്കോഡ്: ശ്രീലങ്കയില് നടന്ന സ്ഫോടന പരമ്പരയുമായി ബന്ധപ്പെട്ട് കാസര്കോഡ് എന്ഐഎ റെയ്ഡ്. വിദ്യാനഗര് സ്വദേശികളായ രണ്ടുപേരുടെ വീട്ടിലാണ് കൊച്ചിയിലെ എന്ഐഎ സംഘം റെയ്ഡ് നടത്തിയത്. കൂടുതല് ചോദ്യം ചെയ്യലിനായി തിങ്കഴാഴ്ച കൊച്ചിയില് ഹാജരാകാന് ഇരുവര്ക്കും നിര്ദേശം നല്കിയിട്ടുണ്ട്.
റെയ്ഡ് നടത്തിയ എന്ഐഎ സംഘം മൊബൈല് ഫോണുകള് അടക്കം പിടിച്ചെടുത്തു. വിദ്യാനഗര് സ്വദേശികളായ അബൂബക്കര് സിദ്ദിഖ്, അഹമ്മദ് അറാഫത്ത് എന്നിവരുടെ വീടുകളിലാണ് എന്ഐഎ റെയ്ഡ് നടത്തിയത്. ശ്രീലങ്കയില് സ്ഫോടനം നടത്തിയ ചാവേര് സഹ്രാന് ഹാഷിമിന്റെ ആശയങ്ങളില് ഇരുവരും ആകൃഷ്ടരായിരുന്നുവെന്നാണ് ലഭ്യമാകുന്ന വിവരം. അതേസമയം കൊല്ലപ്പെട്ട സഹ്രാന് ഹാഷമുമായി ഇവര്ക്ക് നേരിട്ട് ബന്ധമുണ്ടായിരുന്നോ എന്നതടക്കം പരിശോധിച്ചു വരികയാണ്.
ശ്രീലങ്കയില് സ്ഫോടനം നടത്തിയ ചാവേറുകള് കേരളത്തിലും തമിഴ്നാട്ടിലുമെത്തിയിരുന്നു എന്ന വിവരത്തെ തുടര്ന്ന് കേരളത്തിലും തമിഴ്നാട്ടിലും തെരച്ചില് ശക്തമാക്കിയിരുന്നു.
കൊളംബോയിലെ ആദ്യ സ്ഫോടനം നടക്കുന്നതിന് രണ്ട് മണിക്കൂര് മുമ്പ് വരെ ഇന്ത്യന് രഹസ്യാന്വേഷണ വിഭാഗം ശ്രീലങ്കന് രഹസ്യാന്വേഷണ വിഭാഗത്തിന് സ്ഫോടനത്തെക്കുറിച്ച് മുന്നറിയിപ്പ് നല്കിയിരുന്നു. ക്രിസ്ത്യന് പള്ളികള് അടക്കമുള്ള ഇടങ്ങളില് ആക്രമണം ഉണ്ടാകാന് സാധ്യതയുണ്ടെന്നായിരുന്നു മുന്നറിയിപ്പ്.
ഏപ്രില് 21 ഈസ്റ്റര് ദിനത്തിലാണ് ശ്രീലങ്കയെ നിശ്ചലമാക്കിയ സ്ഫോടന പരമ്പര നടന്നത്. എട്ടിടങ്ങളിലായി നടന്ന സ്ഫോടന പരമ്പരയില് എട്ട് ഇന്ത്യക്കാര് ഉള്പ്പെടെ 359 പേരാണ് കൊല്ലപ്പെട്ടത്.
