യു.കെ.വാര്‍ത്തകള്‍

114 മൈല്‍ വേഗത്തില്‍ ആഞ്ഞടിച്ചു ഇയോവിന്‍ കൊടുങ്കാറ്റ്; 400,000 വീടുകള്‍ ഇരുട്ടില്‍; 138,000 പേര്‍ക്ക് വെള്ളമില്ല

യുകെയില്‍ ആഘാതം സൃഷ്ടിച്ച് ഇയോവിന്‍ കൊടുങ്കാറ്റ് . 114 മൈല്‍ വേഗത്തിലുള്ള കാറ്റ് ആഞ്ഞു വീശിയതോടെ 400,000 വീടുകള്‍ ഇരുട്ടിലായതിന് പുറമെ 138,000 വീടുകളില്‍ വെള്ളവുമില്ലാത്ത സ്ഥിതിയാണ്. കൊടുങ്കാറ്റ് രാവിലെയും തുടരുന്നതിനാല്‍ വീക്കെന്‍ഡില്‍ വെള്ളപ്പൊക്കത്തിനുള്ള സാധ്യതയാണ് തെളിയുന്നത്. ഇതോടെ കൂടുതല്‍ യാത്രാ ദുരിതവും നേരിടേണ്ടി വരും.

തിങ്കളാഴ്ച വരെ മഞ്ഞ്, ഐസ്, കാറ്റ്, മഴ മുന്നറിയിപ്പുകള്‍ പുറപ്പെടുവിച്ച മെറ്റ് ഓഫീസ് ലക്ഷക്കണക്കിന് ജനങ്ങളോട് വീടുകളില്‍ തുടരാനാണ് ഉപദേശം നല്‍കിയിരിക്കുന്നത്. ഇംഗ്ലണ്ടിലെയും, വെയില്‍സിലെയും വിവിധ ഭാഗങ്ങളില്‍ 80 എംഎം വരെ മഴ പെയ്യുന്നതിനാല്‍ ശനി, ഞായര്‍ ദിവസങ്ങളിലായി ആംബര്‍, മഞ്ഞ മുന്നറിയിപ്പുകളാണ് മെറ്റ് ഓഫീസ് നല്‍കിയിരിക്കുന്നത്.

വെള്ളിയാഴ്ച കാറ്റിന്റെ വേഗത 100 മൈല്‍ കടന്നതോടെ ഒരാള്‍ മരണപ്പെട്ടു. ഞായറാഴ്ച സൗത്ത് വെസ്റ്റ് ഇംഗ്ലണ്ട്, ഇംഗ്ലീഷ്, സ്‌കോട്ടിഷ് തീരങ്ങള്‍, വെയില്‍സ്, നോര്‍ത്തേണ്‍ അയര്‍ലണ്ട് എന്നിവിടങ്ങളില്‍ രാവിലെ 8 മുതല്‍ ഉച്ചതിരിഞ്ഞ് 3 വരെ കാറ്റിനുള്ള മഞ്ഞ ജാഗ്രതയാണ് നല്‍കിയിരിക്കുന്നത്. സതേണ്‍-സെന്‍ഡ്രല്‍ ഇംഗ്ലണ്ടിലും, വെയില്‍സിലും ഞായറാഴ്ച രാവിലെ 8 മുതല്‍ തിങ്കളാഴ്ച രാവിലെ 6 വരെ മഴയ്ക്കുള്ള മഞ്ഞ ജാഗ്രതയും നല്‍കിയിട്ടുണ്ട്.

ചില മേഖലകളില്‍ രണ്ട് തവണയായി ശക്തമായ മഴയും, ഇടിമിന്നലോട് കൂടിയ മഴയും നേരിടേണ്ടി വരും. 80 എംഎം വരെ മഴയ്ക്ക് സാധ്യതയുണ്ടെന്നാണ് കണക്കാക്കുന്നത്. മുന്നറിയിപ്പുള്ള ഭാഗങ്ങളില്‍ വീടുകളിലും, ബിസിനസ്സുകളും വെള്ളപ്പൊക്ക സാധ്യതയും നേരിടേണ്ടി വരുമെന്ന് മെറ്റ് ഓഫീസ് വ്യക്തമാക്കി.


  • യുകെ വിദ്യാര്‍ഥി വിസ: ഇന്റര്‍വ്യൂന് വിളിച്ചവരില്‍ 79 ശതമാനവും നിരസിക്കപ്പെട്ടു
  • ഇംഗ്ലണ്ടില്‍ സെക്കന്‍ഡ് ഹോമുകളുടെ എണ്ണത്തില്‍ വന്‍ ഇടിവ്; തിരിച്ചടിയാകുന്നത് കൗണ്‍സിലുകളുടെ 100% പ്രീമിയം ടാക്‌സ്
  • ബ്രിട്ടന്‍ അതി ശൈത്യത്തിലേയ്ക്ക്; താപനില മൈനസ് 10 ഡിഗ്രിയിലെത്തും, ജാഗ്രതാ നിര്‍ദ്ദേശം
  • ബന്ധം മെച്ചപ്പെടുത്താന്‍ ബ്രിട്ടനും ഇ യുവും; വര്‍ഷം ഒരു ലക്ഷം യൂറോപ്യന്‍ യൂത്തിന് അവസരം
  • പകുതിയിലേറെ എന്‍എച്ച്എസ് ആശുപത്രികളിലും ഇടനാഴിപരിചരണം
  • ഏറ്റവും തിരക്കേറിയ സ്റ്റേഷന്‍ ലിവര്‍പൂള്‍ സ്ട്രീറ്റ്; പാഡിങ്ടണും വാട്ടര്‍ലൂവും രണ്ടും മൂന്നും സ്ഥാനത്ത്
  • ഡിസംബറില്‍ യുകെ ജനത തണുത്ത് വിറയ്ക്കും; വരുന്നത് കനത്ത മഞ്ഞ് വീഴ്ച്ച
  • എനര്‍ജി ബില്ലുകള്‍ 26% വര്‍ധിക്കുമെന്ന് പ്രവചനം; ജനുവരിയില്‍ 2166 പൗണ്ടിലേക്ക് എത്തും
  • വെസ്റ്റ് മിഡ്‌ലാന്‍ഡ്‌സ് മുതല്‍ സ്‌കോട്‌ലന്‍ഡ് വരെ കനത്ത മഞ്ഞുവീഴ്ച
  • ക്രിസ്മസ് - പുതുവത്സര യാത്രകള്‍ക്ക് പാരയാകാന്‍ ട്യൂബ് സമരം
  •  
        © 2022 ukmalayalamnews.com All rights reserved. Powered by PI Digi-Logical Solutions