യു.കെ.വാര്‍ത്തകള്‍

ബ്രായ്ക്കുള്ളില്‍ ഒളിപ്പിച്ച് ജയിലിലേക്ക് മയക്കുമരുന്ന് കടത്തിയ നഴ്‌സിന് തടവ്

തടവുകാരനുമായി അടുപ്പത്തിലായി ജയിലിലേക്ക് മയക്കുമരുന്ന് മയക്കുമരുന്ന് കടത്തി നല്‍കിയ കേസില്‍ പ്രിസണ്‍ നഴ്‌സിന് ജയില്‍ശിക്ഷ. ജയില്‍പുള്ളിയുമായി പ്രണയത്തിലായതോടെയാണ് ബ്രായ്ക്കുള്ളില്‍ ഒളിപ്പിച്ച് നഴ്‌സ് മയക്കുമരുന്ന് കടത്തിയിരുന്നത്. എച്ച്എംപി മാഞ്ചസ്റ്ററില്‍ എക്‌സ്-ഡ്രഗ്, ആല്‍ക്കഹോള്‍, റിക്കവറി പ്രാക്ടീഷണര്‍ നഴ്‌സായിരുന്ന 31-കാരി സാറാ കചാചിനെയാണ് തന്റെ പദവി ദുരുപയോഗം ചെയ്ത് സുരക്ഷാ ക്രമീകരണങ്ങള്‍ അതിജീവിച്ച് നിരോധിത ഉത്പന്നങ്ങള്‍ എത്തിച്ചതിന് ശിക്ഷിച്ചത്.

കഞ്ചാവ്, കെറ്റമിന്‍, കൊക്കെയിന്‍, പുകയില എന്നിവയാണ് തന്റെ ബ്രായ്ക്ക് ഉള്ളില്‍ ഒളിപ്പിച്ച് ഇവര്‍ ജയിലിലേക്ക് എത്തിച്ചിരുന്നത്. തടവുകാരന്‍ 29 വയസ്സുള്ള കാസിം അഹമ്മദുമായി പ്രണയ ബന്ധത്തില്‍ ഏര്‍പ്പെട്ടതോടെയാണ് ഇവര്‍ ഈ പരിപാടിക്ക് കൂട്ടുനിന്നത്.

മയക്കുമരുന്ന്, മദ്യപാന ആസക്തിയില്‍ നിന്നും മോചനം നേടാന്‍ തടവുകാരെ സഹായിക്കുകയായിരുന്നു നഴ്‌സിന്റെ ഡ്യൂട്ടി. എന്നാല്‍ ഈ പദവി ഉപയോഗിച്ച് ഇത്തരം വസ്തുക്കള്‍ എത്തിക്കാനാണ് സാറ തയ്യാറായതെന്ന് അന്വേഷണത്തില്‍ കണ്ടെത്തി. 2022 നവംബറില്‍ ജയിലില്‍ നിന്നും പുറത്തിറങ്ങേണ്ടിയിരുന്ന അഹമ്മദ് സെല്ലില്‍ വെച്ച് മൊബൈലില്‍ സംസാരിക്കുന്നത് കണ്ട് പിടിക്കപ്പെട്ടതോടെയാണ് സംഭവങ്ങള്‍ പുറത്തുവന്നത്.

ഫോണിലെ മെമ്മറി കാര്‍ഡില്‍ നടത്തിയ പരിശോധനയിലാണ് നഴ്‌സ് സാറയുമായുള്ള ബന്ധം വെളിവായത്. തുടര്‍ന്ന് ഇവരെ പിടികൂടി നടത്തിയ പരിശോധനയില്‍ ബ്രായ്ക്കുള്ളില്‍ ഒളിപ്പിച്ച മയക്കുമരുന്ന് കണ്ടെത്തുകയായിരുന്നു. കൂടാതെ ഗര്‍ഭനിരോധന ഉറയില്‍ ഒളിപ്പിച്ച കഞ്ചാവും ഇവരില്‍ നിന്നും പിടിച്ചെടുത്തു. സംഭവത്തില്‍ രണ്ട് വര്‍ഷത്തെ ശിക്ഷയാണ് നഴ്‌സിന് ലഭിച്ചത്. അഹമ്മദിനും രണ്ട് വര്‍ഷം ശിക്ഷ വിധിച്ചു.

  • യുകെ വിദ്യാര്‍ഥി വിസ: ഇന്റര്‍വ്യൂന് വിളിച്ചവരില്‍ 79 ശതമാനവും നിരസിക്കപ്പെട്ടു
  • ഇംഗ്ലണ്ടില്‍ സെക്കന്‍ഡ് ഹോമുകളുടെ എണ്ണത്തില്‍ വന്‍ ഇടിവ്; തിരിച്ചടിയാകുന്നത് കൗണ്‍സിലുകളുടെ 100% പ്രീമിയം ടാക്‌സ്
  • ബ്രിട്ടന്‍ അതി ശൈത്യത്തിലേയ്ക്ക്; താപനില മൈനസ് 10 ഡിഗ്രിയിലെത്തും, ജാഗ്രതാ നിര്‍ദ്ദേശം
  • ബന്ധം മെച്ചപ്പെടുത്താന്‍ ബ്രിട്ടനും ഇ യുവും; വര്‍ഷം ഒരു ലക്ഷം യൂറോപ്യന്‍ യൂത്തിന് അവസരം
  • പകുതിയിലേറെ എന്‍എച്ച്എസ് ആശുപത്രികളിലും ഇടനാഴിപരിചരണം
  • ഏറ്റവും തിരക്കേറിയ സ്റ്റേഷന്‍ ലിവര്‍പൂള്‍ സ്ട്രീറ്റ്; പാഡിങ്ടണും വാട്ടര്‍ലൂവും രണ്ടും മൂന്നും സ്ഥാനത്ത്
  • ഡിസംബറില്‍ യുകെ ജനത തണുത്ത് വിറയ്ക്കും; വരുന്നത് കനത്ത മഞ്ഞ് വീഴ്ച്ച
  • എനര്‍ജി ബില്ലുകള്‍ 26% വര്‍ധിക്കുമെന്ന് പ്രവചനം; ജനുവരിയില്‍ 2166 പൗണ്ടിലേക്ക് എത്തും
  • വെസ്റ്റ് മിഡ്‌ലാന്‍ഡ്‌സ് മുതല്‍ സ്‌കോട്‌ലന്‍ഡ് വരെ കനത്ത മഞ്ഞുവീഴ്ച
  • ക്രിസ്മസ് - പുതുവത്സര യാത്രകള്‍ക്ക് പാരയാകാന്‍ ട്യൂബ് സമരം
  •  
        © 2022 ukmalayalamnews.com All rights reserved. Powered by PI Digi-Logical Solutions