യു.കെ.വാര്‍ത്തകള്‍

യുകെയില്‍ പ്രവൃത്തി ദിനങ്ങള്‍ ആഴ്ചയില്‍ നാല് ദിവസമാക്കാന്‍ 200 കമ്പനികള്‍ മുന്നോട്ട്

യുകെയില്‍ ജീവനക്കാരുടെ പ്രവൃത്തി ദിനങ്ങളില്‍ വിപ്ലവകരമായ മാറ്റത്തിന് തുടക്കം കുറിക്കുന്നതിനായി 200 കമ്പനികള്‍ മുന്നോട്ട് വന്നു. ഇനിമുതല്‍ ഈ കമ്പനികളുടെ പ്രവൃത്തി ദിനങ്ങള്‍ ആഴ്ചയില്‍ 4 ദിവസം മാത്രമായിരിക്കും. ജീവനക്കാരുടെ ശമ്പളത്തില്‍ കുറവ് വരാതെയായിരിക്കും ആഴ്ചയില്‍ 4 ദിവസങ്ങള്‍ പ്രവൃത്തി ദിനമാക്കുന്ന നടപടി നിലവില്‍ വരുക.

4 ഡേ വീക്ക് ഫൗണ്ടേഷന്റെ കണക്കുകള്‍ അനുസരിച്ച് ഏകദേശം അയ്യായിരത്തോളം ജീവനക്കാര്‍ക്ക് ഇതിന്റെ ആനുകൂല്യം ഉടനെ ലഭിക്കുമെന്നാണ് പറയുന്നത്. ചാരിറ്റികള്‍, മാര്‍ക്കറ്റിങ്, ടെക്നോളജി എന്നീ മേഖലകളില്‍ പ്രവര്‍ത്തിക്കുന്ന സ്ഥാപനങ്ങളാണ് ആഴ്ചയില്‍ 4 ദിവസം പ്രവര്‍ത്തിക്കാന്‍ തീരുമാനമെടുക്കുന്ന കമ്പനികളുടെ പ്രവര്‍ത്തന മേഖലകള്‍. ആഴ്ചയില്‍ 5 ദിവസം പ്രവൃത്തി ദിനമാക്കുക എന്നത് ഏകദേശം 100 വര്‍ഷം മുന്‍പ് നടപ്പിലാക്കിയ സമ്പ്രദായമാണെന്നാണ് 4 ഡേ വീക്ക് ഫൗണ്ടേഷന്റെ വക്താക്കള്‍ ചൂണ്ടിക്കാട്ടുന്നത്.

നാല് ദിവസം പ്രവൃത്തി ദിനമാക്കുന്നതിലൂടെ ആളുകള്‍ക്ക് കൂടുതല്‍ ഒഴിവുസമയം ലഭിക്കുന്നതിനും കൂടുതല്‍ സന്തോഷകരവും സംതൃപ്തമായതുമായ ജീവിതം നയിക്കുന്നതിനും കാരണമാകും എന്നാണ് ഫൗണ്ടേഷന്റെ കാമ്പെയ്ന്‍ ഡയറക്ടര്‍ ജോ റൈല്‍ പറഞ്ഞു. തൊഴിലാളികള്‍ക്ക് മാത്രമല്ല സ്ഥാപനങ്ങള്‍ക്കും ഇതുകൊണ്ട് നേട്ടമുണ്ടാകുമെന്നാണ് ഫൗണ്ടേഷന്‍ അവകാശപ്പെടുന്നത്. എനര്‍ജി ചാര്‍ജ്
മറ്റു ചെലവുകള്‍ എന്നിവ ലഭിക്കാനാവും

കോവിഡ് സമയത്ത് വര്‍ക്ക് ഫ്രം ഹോമിനെ തുടര്‍ന്ന് പല കമ്പനികളും ജീവനക്കാരെ തിരിച്ച് ഓഫീസുകളില്‍ കൊണ്ടുവരാന്‍ കഷ്ടപ്പെടുകയാണെന്ന റിപ്പോര്‍ട്ടുകള്‍ പുറത്തു വന്നിരുന്നു. ഈ സാഹചര്യത്തില്‍ 4 ദിവസം പ്രവൃത്തി ദിനമാക്കുന്നത് കൂടുതല്‍ ജീവനക്കാര്‍ക്ക് സ്വീകാര്യമാകുമെന്നാണ് കരുതുന്നത്. യുകെയിലെ 18-34 വയസ് പ്രായമുള്ളവരില്‍ ഏകദേശം 78% പേരും അഞ്ച് വര്‍ഷത്തിനുള്ളില്‍ ആഴ്ചയില്‍ നാല് ദിവസത്തെ പ്രവൃത്തി മാനദണ്ഡമായി മാറുമെന്നാണ് പൊതുവെ കരുതപ്പെടുന്നത്. ഭാവിയില്‍ കൂടുതല്‍ സ്ഥാപനങ്ങള്‍ നാല് ദിവസം പ്രവൃത്തി ദിനമാക്കാന്‍ മുന്നോട്ടു വരുമെന്നാണ് പ്രതീക്ഷിക്കുന്നത്.

  • യുകെ വിദ്യാര്‍ഥി വിസ: ഇന്റര്‍വ്യൂന് വിളിച്ചവരില്‍ 79 ശതമാനവും നിരസിക്കപ്പെട്ടു
  • ഇംഗ്ലണ്ടില്‍ സെക്കന്‍ഡ് ഹോമുകളുടെ എണ്ണത്തില്‍ വന്‍ ഇടിവ്; തിരിച്ചടിയാകുന്നത് കൗണ്‍സിലുകളുടെ 100% പ്രീമിയം ടാക്‌സ്
  • ബ്രിട്ടന്‍ അതി ശൈത്യത്തിലേയ്ക്ക്; താപനില മൈനസ് 10 ഡിഗ്രിയിലെത്തും, ജാഗ്രതാ നിര്‍ദ്ദേശം
  • ബന്ധം മെച്ചപ്പെടുത്താന്‍ ബ്രിട്ടനും ഇ യുവും; വര്‍ഷം ഒരു ലക്ഷം യൂറോപ്യന്‍ യൂത്തിന് അവസരം
  • പകുതിയിലേറെ എന്‍എച്ച്എസ് ആശുപത്രികളിലും ഇടനാഴിപരിചരണം
  • ഏറ്റവും തിരക്കേറിയ സ്റ്റേഷന്‍ ലിവര്‍പൂള്‍ സ്ട്രീറ്റ്; പാഡിങ്ടണും വാട്ടര്‍ലൂവും രണ്ടും മൂന്നും സ്ഥാനത്ത്
  • ഡിസംബറില്‍ യുകെ ജനത തണുത്ത് വിറയ്ക്കും; വരുന്നത് കനത്ത മഞ്ഞ് വീഴ്ച്ച
  • എനര്‍ജി ബില്ലുകള്‍ 26% വര്‍ധിക്കുമെന്ന് പ്രവചനം; ജനുവരിയില്‍ 2166 പൗണ്ടിലേക്ക് എത്തും
  • വെസ്റ്റ് മിഡ്‌ലാന്‍ഡ്‌സ് മുതല്‍ സ്‌കോട്‌ലന്‍ഡ് വരെ കനത്ത മഞ്ഞുവീഴ്ച
  • ക്രിസ്മസ് - പുതുവത്സര യാത്രകള്‍ക്ക് പാരയാകാന്‍ ട്യൂബ് സമരം
  •  
        © 2022 ukmalayalamnews.com All rights reserved. Powered by PI Digi-Logical Solutions