മാഞ്ചസ്റ്ററിലെ ബ്ലാക്ക്ലി പ്രദേശത്തുള്ള കോ-ഓപ്പ് അക്കാദമി സ്കൂളില് നടന്ന കത്തികുത്തില് പേര്ക്ക് പരിക്ക്. സംഭവവുമായി ബന്ധപ്പെട്ട് ഒരു വിദ്യാര്ത്ഥിനിയെ പൊലീസ് അറസ്റ്റ് ചെയ്തു. പരിക്കേറ്റവരുടെ നില ഗുരുതരമല്ലെന്ന് ഗ്രേറ്റര് മാഞ്ചസ്റ്റര് പൊലീസ് അറിയിച്ചു.
ചൊവ്വാഴ്ച രാവിലെ അടിയന്തരസേവന വിഭാഗങ്ങള് സ്കൂളിലെത്തിയതോടെ വിദ്യാര്ത്ഥികളെ ക്ലാസ് മുറികളില് തന്നെ തുടരാന് നിര്ദേശിക്കുകയും സ്കൂള് ലോക്ക്ഡൗണ് ചെയ്യുകയും ചെയ്തു. സംഭവസ്ഥലത്ത് പൊലീസ്, ആംബുലന്സ് സംഘങ്ങള് എന്നിവ സുരക്ഷാ നടപടികള് ശക്തമാക്കിയിട്ടുണ്ട് . വിദ്യാര്ത്ഥികള്ക്കും ജീവനക്കാര്ക്കും നിലവില് മറ്റൊരു ഭീഷണിയില്ലെന്നാണ് പൊലീസ് വ്യക്തമാക്കിയത്.
സംഭവത്തെ തുടര്ന്ന് നിരവധി രക്ഷിതാക്കളും നാട്ടുകാരും സ്കൂളിന് പുറത്ത് ഒത്തുകൂടി. സ്കൂളില് ഒരു അനിഷ്ട സംഭവം ഉണ്ടായെങ്കിലും എല്ലാവരും സുരക്ഷിതരാണെന്നും ദിവസത്തിന്റെ ശേഷിക്കുന്ന സമയം സ്കൂള് അടച്ചിടുകയാണെന്നും അധികൃതര് രക്ഷിതാക്കള്ക്ക് സന്ദേശമയച്ചു. വിദ്യാര്ത്ഥികളെ രക്ഷിതാക്കളുടെ അനുമതിയോടെ വീട്ടിലേക്ക് അയയ്ക്കുന്നതിനുള്ള നടപടികള് പുരോഗമിക്കുകയാണെന്നും സ്കൂള് അറിയിച്ചു .
