മാസപ്പടി കേസില് മുഖ്യമന്ത്രിക്കും മകള്ക്കും ഹൈക്കോടതി നോട്ടീസ്
സിഎംആര്എല്- എക്സാലോജിക് മാസപ്പടി ഇടപാടില് മുഖ്യമന്ത്രി പിണറായി വിജയനവും മകള് വീണ വിജയനും ഹൈക്കോടതി നോട്ടീസ്. കോണ്ഗ്രസ് എംഎല്എ മാത്യു കുഴല്നാടന്റെ ഹര്ജിയിലാണ് മുഖ്യമന്ത്രിയും മകളും അടക്കമുള്ള എതിര് കക്ഷികള്ക്ക് ഹൈക്കോടതി നോട്ടീസ് നല്കിയത്. ജസ്റ്റിസ് കെ ബാബു അധ്യക്ഷനായ സിംഗിള് ബെഞ്ചാണ് ഹര്ജി പരിഗണിച്ചത്.
കേസിലെ സ്വഭാവിക നടപടി മാത്രമാണിതെന്ന് മാത്യു കുഴല് നാടന് പ്രതികരിച്ചു. തുടര് നടപടികള്ക്കായി കാത്തിരിക്കുന്നുവെന്നും മാത്യു കുഴല് നാടന് വ്യക്തമാക്കി. മാത്യൂ കുഴല്നാടന് പുറമെ, പൊതുപ്രവര്ത്തകന് ജി ഗിരീഷ് ബാബുവിന്റെ ഹര്ജിയും പരിഗണനയിലുണ്ട്. വിജിലന്സ് അന്വേഷണം ആവശ്യപ്പെട്ട് മാത്യൂ കുഴല് നാടന് നേരത്തെ തിരുവനന്തപുരം വിജിലന്സ് കോടതിയെ സമീപിച്ചിരുന്നു.
എന്നാല് ഹര്ജിയില് അന്വേഷണം ആവശ്യമില്ലെന്ന് വിജിലന്സ് കോടതി തീരുമാനമെടുക്കുകയുമായിരുന്നു. ഇതിലാണ് റിവിഷന് ഹര്ജിയുമായി മാത്യുകുഴല് നാടന് ഹൈക്കോടതിയെ സമീചിച്ചത്. മുഖ്യമന്ത്രി അടക്കം എതിര്കക്ഷികള്ക്കാണ് ഹൈക്കോടതി നോട്ടീസ് അയച്ചിരിക്കുന്നത്.
