ടിപി കേസിലെ പ്രതികളായ മുഹമ്മദ് ഷാഫി, അണ്ണന് സിജിത്ത്, ടികെ രജീഷ് എന്നീ പ്രതികള്ക്ക് ഇളവ് നല്കാനായിരുന്നു ശ്രമം. കേസിലെ നാല്, അഞ്ച്, ആറ് പ്രതികളാണ് മൂവരും. കഴിഞ്ഞ വര്ഷം ആസാദി കാ അമൃത് മഹോത്സവിന്റെ ഭാഗമായി തയ്യാറാക്കിയ പട്ടികയിലായിരുന്നു മൂവരെയും ഉള്പ്പെടുത്തിയത്.
കെകെ രമ എംഎല്എ വിഷയത്തില് കഴിഞ്ഞ ദിവസം നിയമസഭയില് അടിയന്തര പ്രമേയത്തിന് അനുമതി തേടിയിരുന്നെങ്കിലും സ്പീക്കര് നിഷേധിക്കുകയായിരുന്നു. ശിക്ഷാ ഇളവിന് സര്ക്കാര് തലത്തില് നീക്കമില്ലെന്ന് അറിയിച്ചാണ് സ്പീക്കര് അടിയന്തര പ്രമേയ നോട്ടീസ് തള്ളിയത്.
വിഷയം ഉന്നയിക്കുമെന്ന് മനസിലാക്കി മുഖ്യമന്ത്രി സഭയില് എത്തിയില്ല. പകരം മന്ത്രി എംബി രാജേഷ് മുഖ്യമന്ത്രിക്കായി മറുപടി നല്കി. ജയില് സൂപ്രണ്ടിനെ തള്ളിയായിരുന്നു എംബി രാജേഷിന്റെ മറുപടി. പ്രതിപക്ഷം ജനങ്ങള്ക്കിടയില് തെറ്റിദ്ധരണയുണ്ടാക്കുന്നുവെന്ന് എംബി രാജേഷ് പറഞ്ഞു. സബ്മിഷന് ശേഷമാണ് സ്പീക്കര് ഷംസീര് സഭയിലെത്തി.
ഇതേ വിഷയത്തില് കെകെ രമ എംഎല്എ കഴിഞ്ഞ ദിവസം നിയമസഭയില് അടിയന്തിര പ്രമേയ നോട്ടീസ് അവതിരിപ്പിക്കാന് അനുമതി തേടിയിരുന്നെങ്കിലും സ്പീക്കര് ഇടപെട്ടു അനുമതി നിഷേധിച്ചിരുന്നു. ശിക്ഷാ ഇളവിന് നീക്കമില്ലെന്ന് സര്ക്കാര് വ്യക്തമാക്കിയിട്ടുണ്ടെന്ന് ചൂണ്ടിക്കാട്ടിയാണ് സ്പീക്കര് അടിയന്തര പ്രമേയ നോട്ടീസ് തള്ളിയത്.
