വയനാട് ഉരുള്പൊട്ടലുണ്ടായ ദുരന്ത ഭൂമിയില് നിന്ന് നാലാം ദിവസം നാലുപേരെ ഒറ്റപ്പെട്ട നിലയില് വീട്ടില് നിന്ന് ജീവനോടെ കണ്ടെത്തി. പടവെട്ടിക്കുന്നില് നിന്ന് രണ്ടു പുരുഷന്മാരെയും രണ്ട് സ്ത്രീകളെയുമാണ് കണ്ടെത്തി രക്ഷപ്പെടുത്തിയത്. ദുരന്തത്തിനിടയില് വീട്ടില് ഒറ്റപ്പെട്ടു പോയവരായിരുന്നു ഇവര്.
ഇതില് ഒരു സ്ത്രീക്ക് കാലിന് പരുക്കുണ്ട്. കാഞ്ഞിരക്കത്തോട്ട് കുടുംബത്തിലെ ജോണി, ജോമോള്, എബ്രഹാം, ക്രിസ്റ്റി എന്നിവരെയാണ് രക്ഷപ്പെടുത്തിയതെന്നാണ് വിവരം. ഇവരെ സുരക്ഷിതസ്ഥാനത്തേക്ക് മാറ്റി.
പടവെട്ടിക്കുന്നിലെ ബന്ധു വീട്ടില് അഭയം പ്രാപിച്ചിരിക്കുകയായിരുന്നു ഇവര്.ജോമോള്ക്ക് കാലിന് ഗുരുതരമായി പരിക്കേറ്റിട്ടുണ്ട്.
ഒരു വീടിന്റെ തകര്ന്ന ഭാഗത്തായിരുന്നു ഇവരുണ്ടായിരുന്നത്. വീടിനെ കാര്യമായി ഉരുള്പൊട്ടല് ബാധിച്ചില്ലെങ്കിലും വഴിയും മറ്റും തകര്ന്നതോടെ നാലുപേരും ഒറ്റപ്പെട്ടുപോയിരുന്നു. ഉരുള്പൊട്ടല് ദുരന്തംകഴിഞ്ഞ് 78 മണിക്കൂറിന് ശേഷമാണ് ഇവരെ ജീവനോടെ കണ്ടെത്തുന്നത്.
