മുകേഷ്, മണിയന്പിള്ള, ഇടവേള ബാബു, ജയസൂര്യ തുടങ്ങിയവര്ക്കെതിരെ ലൈംഗിക ആരോപണവുമായി നടി
മലയാള സിനിമയിലെ പ്രമുഖ താരങ്ങള്ക്കും സാങ്കേതിക പ്രവര്ത്തകര്ക്കുമെതിരെ ലൈംഗികാരോപണവുമായി നടി. ജയസൂര്യ, മുകേഷ്, ഇടവേള ബാബു, മണിയന്പിള്ള രാജു, അഭിഭാഷകന് ചന്ദ്രശേഖരന്, പ്രൊഡക്ഷന് കണ്ട്രോളര്മാരായ നോബിള്, വിച്ചു എന്നിവര്ക്കെതിരെയാണ് നടിയുടെ ആരോപണം. ഫേസ്ബുക്ക് പേജിലൂടെയായിരുന്നു മിനു കുര്യന് എന്ന യുവ നടിയുടെ വെളിപ്പെടുത്തല്.
2013ലാണ് ആരോപണത്തിന് ആസ്പദമായ സംഭവം നടന്നത്. മുകേഷ്, മണിയന്പിള്ള രാജു, ജയസൂര്യ, ഇടവേള ബാബു, അഭിഭാഷകന് ചന്ദ്രശേഖരന്, പ്രൊഡക്ഷന് കണ്ട്രോളര്മാരായ നോബിള്, വിച്ചു എന്നിവര് ശാരീരികമായും അല്ലാതെയുംമാനസികമായും ഉപദ്രവിച്ചത് വെളിപ്പെടുത്തിയാണ് പോസ്റ്റ്. 2013ല് ഒരു ചിത്രത്തില് അഭിനയിക്കവെ ഇവര് ശാരീരികമായി പീഡിപ്പിക്കുകയും മോശംഭാഷയില് പെരുമാറുകയും ചെയ്തു. ഞാന് തുടര്ന്നും സിനിമയില് അഭിനയിക്കാന് ശ്രമിച്ചെങ്കിലും ഉപദ്രവം സഹിക്കാനാകുന്നതിലും അപ്പുറമാകുകയായിരുന്നുവെന്നും നടി ഫേസ്ബുക്കിന് കുറിച്ചു.
തുടര്ന്ന് തനിക്ക് ഇതിന്റെ ഫലമായി മലയാളസിനിമാ മേഖലയില് നിന്ന് മാറിനില്ക്കേണ്ടതായി വന്നുവെന്നും കുറിപ്പില് പറയുന്നു. പിന്നീട് ചെന്നൈയിലേക്ക് താമസം മാറി. തനിക്ക് മാനസികമായും ശാരീരികവുമായി ഉണ്ടായ ആഘാതത്തില് നീതി തേടുകയാണെന്നും ഹീനമായ പ്രവൃത്തികള് ചെയ്തവര്ക്കെതിരെ പിന്തുണ ആവശ്യപ്പെടുകയാണെന്നും നടി കുറിപ്പില് പറയുന്നു.
‘ദേ ഇങ്ങോട്ട് നോക്കിയേ’ എന്ന ചിത്രത്തിന്റെ സെറ്റില് വച്ചാണ് ജയസൂര്യയില് നിന്നും മോശം അനുഭവം ഉണ്ടായത് എന്നാണ് മിനു മാധ്യമങ്ങളോട് പറഞ്ഞത്.
ആദ്യത്തെ ദുരനുഭവം 2008ല് ആണ് ഉണ്ടായത്. ജയസൂര്യയുടെ ഭാഗത്ത് നിന്നാണ് മോശമായ പെരുമാറ്റം ഉണ്ടായത്. സെക്രട്ടേറിയറ്റില് ആയിരുന്നു ഷൂട്ടിംഗ്. റസ്റ്റ് റൂമില് പോയിട്ട് വന്നപ്പോള് ജയസൂര്യ പുറകില് നിന്നും കെട്ടിപ്പിടിച്ചു ചുംബിച്ചു. ഫ്ലാറ്റിലേക്ക് വരാന് ക്ഷണിച്ചു. പിന്നീട് ശല്യം ഉണ്ടായില്ല. ആരോടെങ്കിലും ഇക്കാര്യം പറയാന് പേടിയായിരുന്നു.
2013 ആയപ്പോളേക്കും ഞാന് 6 സിനിമകളില് അഭിനയിച്ചു. 3 സിനിമയില് അഭിനയിച്ചാല് അമ്മ സംഘടനയില് അംഗത്വം ലഭിക്കും. ഇടവേള ബാബുവിനെ ഫോണില് വിളിച്ചപ്പോള് ഫോം പൂരിപ്പിക്കാന് ഫ്ളാറ്റിലേക്ക് ക്ഷണിച്ചു. ഫോം പൂരിപ്പിച്ചു കൊണ്ട് നിന്നപ്പോള് ഇടവേള ബാബു കഴുത്തില് ചുംബിച്ചു. പെട്ടെന്ന് ഫ്ളാറ്റില് നിന്നിറങ്ങി.
അമ്മയില് അംഗത്വം കിട്ടിയില്ല. പിന്നീട് നടന് മുകേഷ് ഫോണില് വിളിച്ചു മോശമായി സംസാരിച്ചു. നേരിട്ട് കണ്ടപ്പോഴും മുകേഷ് മോശമായി സംസാരിച്ചു. വില്ലയിലേക്ക് വരാന് ക്ഷണിച്ചു. മുകേഷിനോട് പിന്നീട് സംസാരിച്ചിട്ടില്ല. മണിയന്പിള്ള രാജുവും മോശമായി പെരുമാറി. ഒരുമിച്ച് വാഹനത്തില് സഞ്ചരിച്ചപ്പോള് മോശമായി സംസാരിച്ചു.
മുറിയുടെ വാതിലില് മുട്ടി. പ്രൊഡക്ഷന് കണ്ട്രോളര് നോബിള്, വിച്ചു എന്നിവരും മോശമായി പെരുമാറി. പിന്നീട് അമ്മയില് നിന്ന് ഒരാള് വിളിച്ച് ഇപ്പോള് അംഗത്വം തരാന് കഴിയില്ലെന്ന് അറിയിച്ചു. ഇതിന് ശേഷം എല്ലാം മടുത്താണ് ചെന്നൈയിലേക്ക് പോയത് എന്നാണ് മിനു മുനീര് പറയുന്നത്.
ആദ്യത്തെ ദുരനുഭവം 2008ല് ആണ് ഉണ്ടായത്. ജയസൂര്യയുടെ ഭാഗത്ത് നിന്നാണ് മോശമായ പെരുമാറ്റം ഉണ്ടായത്. സെക്രട്ടേറിയറ്റില് ആയിരുന്നു ഷൂട്ടിംഗ്. റസ്റ്റ് റൂമില് പോയിട്ട് വന്നപ്പോള് ജയസൂര്യ പുറകില് നിന്നും കെട്ടിപ്പിടിച്ചു ചുംബിച്ചു. ഫ്ലാറ്റിലേക്ക് വരാന് ക്ഷണിച്ചു. പിന്നീട് ശല്യം ഉണ്ടായില്ല. ആരോടെങ്കിലും ഇക്കാര്യം പറയാന് പേടിയായിരുന്നു.
