എഡിഎം നവീന് ബാബുവിന്റെ മരണവുമായി ബന്ധപ്പെട്ട കേസില് പോലീസിന്റെ ഒളിച്ചു കളി തുടരുന്നു. പരാതിക്കാരന് പ്രശാന്തിന്റെ മുഖ്യമന്ത്രിയ്ക്കുള്ള പരാതി വ്യാജമാണെന്ന് വ്യക്തമായിട്ടും പ്രശാന്തിനു ക്ലീന് ചിറ്റ് നല്കിയാണ് അന്വേഷണ സംഘം തങ്ങളുടെ കൂറ് വ്യക്തമാക്കിയത് . പ്രശാന്തിന്റെ പമ്പ് ബിനാമി ഇടപാടാണെന്നു വ്യക്തമായിട്ടും ആ വഴിയ്ക്കു അന്വേഷണം നീക്കിയില്ല. പ്രശാന്തിനെ കേസിന്റെ ഭാഗമാക്കില്ല. പരാതിയുമായി ബന്ധപ്പെട്ട ഗൂഢാലോചനയിലും കാര്യമായ അന്വേഷണമില്ലെന്നാണ് സൂചന. അതേസമയം കേസന്വേഷണം അവസാനഘട്ടത്തിലെന്ന് പ്രത്യേക അന്വേഷണ സംഘം അറിയിച്ചു.
കേസിന് ദിവ്യയുടെ പ്രസംഗം മാത്രം അടിസ്ഥാനമാക്കാനാണ് അന്വേഷണ സംഘത്തിന്റെ നീക്കം. പ്രശാന്തിനെ കേസിന്റെ ഭാഗമാക്കാന് ആലോചനയില്ല. അതേസമയം ഹൈക്കോടതിയെ സമീപിക്കാനുള്ള ആലോചനയിലാണ് നവീന്റെ കുടുംബം.
അതേസമയം, കോന്നി തഹസില്ദാര് ചുമതലയില് നിന്ന് ഒഴിവാക്കി പകരം മറ്റൊരു തസ്തിക നല്കണമെന്ന, എഡിഎം നവീന് ബാബുവിന്റെ ഭാര്യ മഞ്ജുഷയുടെ അഭ്യര്ത്ഥന റവന്യൂവകുപ്പ് പരിഗണിച്ചേക്കും. പത്തനംതിട്ട കളക്ട്രേറ്റില് സീനിയര് സൂപ്രണ്ട് തസ്തിക റവന്യൂ വകുപ്പ് മഞ്ജുഷയ്ക്ക് അനുവദിച്ചേക്കുമെന്നാണ് സൂചന.
