കെകെ രത്നകുമാരി കണ്ണൂര് ജില്ലാ പഞ്ചായത്ത് പ്രസിഡന്റ്; തിരഞ്ഞെടുപ്പ് സ്ഥലത്തു മാധ്യമങ്ങള്ക്ക് വിലക്കുമായി കളക്ടര്
സിപിഎമ്മിലെ കെകെ രത്നകുമാരി കണ്ണൂര് ജില്ലാ പഞ്ചായത്ത് പ്രസിഡന്റ്. എഡിഎം നവീന് ബാബുവിന്റെ മരണവുമായി ബന്ധപ്പെട്ട് ജില്ലാ പഞ്ചായത്ത് പ്രസിഡന്റ് ആയിരുന്ന പിപി ദിവ്യ രാജിവച്ച ഒഴിവിലേക്ക് ഇന്ന് നടന്ന തിരഞ്ഞെടുപ്പിലാണ് സിപിഎമ്മിന്റെ സ്ഥാനാര്ത്ഥി കെകെ രത്നകുമാരിയെ തിരഞ്ഞെടുത്തത്. അതേസമയം തിരഞ്ഞെടുപ്പില് വരണാധികാരി കൂടിയായ ജില്ലാ കളക്ടര് അരുണ് കെ വിജയന് മാധ്യമങ്ങള്ക്ക് വിലക്കേര്പ്പെടുത്തി.
തിരഞ്ഞെടുപ്പ് ഹാളിലേക്കാണ് മാധ്യമങ്ങളെ കടത്തി വിടാതെ പോലീസ് വിലക്കേര്പ്പെടുത്തിയത്. പഞ്ചായത്തിന് പുറത്ത് പൊലീസ് സുരക്ഷ കര്ശനമാക്കിയിരിക്കുകയാണ്. മാധ്യമ പ്രവര്ത്തകരെ തടയാന് നിര്ദേശമുണ്ടെന്നാണ് പൊലീസ് അറിയിച്ചത്. ജില്ലാ പഞ്ചായത്ത് അംഗമായ പിപി ദിവ്യ വോട്ടെടുപ്പിന് എത്തിയില്ല. ദിവ്യ എത്തിയാല് തടയാനായി പുറത്തു ബിജെപി-കോണ്ഗ്രസ് പ്രവര്ത്തകര് എത്തിയിരുന്നു.
ജല്ലാ പഞ്ചായത്ത് ആരോഗ്യ വിദ്യാഭ്യാസ സ്ഥിര സമിതി അധ്യക്ഷയാണ് രത്നകുമാരി. പരിയാരം ഡിവിഷനില് നിന്നുള്ള അംഗമാണ് രത്നകുമാരി. വരണാധികാരിയായ കളക്ടറുടെ സാന്നിധ്യത്തില് ആകും സത്യപ്രതിഞ്ജ. ജില്ലാ പഞ്ചായത്തിലെ 24 അംഗ ഭരണസമിതിയില് ഏഴുപേര് യുഡിഎഫും 17 പേര് എല്ഡിഎഫുമാണ്.
