മെസി ഉള്പ്പടെ വമ്പന് താരങ്ങള് പന്തുതട്ടാന് കേരളത്തിലേക്ക്; വേദി കൊച്ചി?
ഇന്ത്യന് ഫുട്ബോള് പ്രേമികള് ഒന്നടങ്കം കാത്തിരുന്ന ആ സന്തോഷ വാര്ത്ത എത്തിയിരിക്കുകയാണ്. ഫുട്ബോളിലെ മിശിഹാ എന്ന് അറിയപ്പെടുന്ന സാക്ഷാല് ലയണല് മെസി കേരളത്തില് പന്ത് തട്ടും. അര്ജന്റീന ഫുട്ബോള് അസോസിയേഷനുമായി നടത്തിയ കൂടി കാഴ്ച്ചയില് അടുത്ത വര്ഷം മെസിയടക്കം വമ്പന് താരങ്ങള് കേരളത്തിലേക്ക് വരും എന്ന് കായിക മന്ത്രി വി അബ്ദുറഹിമാന് സ്ഥിരീകരിച്ചു.
സ്പെയിനില് നടന്ന ചര്ച്ച പൂര്ണ വിജയം എന്നാണ് മന്ത്രി അഭിപ്രായപ്പെട്ടത്. ജനകീയ രീതിയിലായിരിക്കും മത്സരം നടത്തുകയെന്നും, എതിര് കളിക്കുന്ന ടീം ഏതെങ്കിലും ഒരു വിദേശ ടീം ആയിരിക്കുമെന്നും മന്ത്രി പറഞ്ഞു. കൊച്ചി ജവാഹര്ലാല് നെഹ്റു സ്റ്റേഡിയത്തില് മത്സരം നടത്താനായിരിക്കും കൂടുതല് സാധ്യത.
100 കോടിയിലധികം ചെലവ് വരുമെന്നാണ് ഇപ്പോള് കിട്ടുന്ന വിവരങ്ങള് സൂചിപ്പിക്കുന്നത്. അത് സ്പോണ്സര്ഷിപ്പിലൂടെ കണ്ടെത്തനാണ് സര്ക്കാരിന്റെ തീരുമാനം.
എങ്ങനെയായിരിക്കും മത്സരങ്ങര് നടത്താര് നിശ്ചയിക്കുക എന്നതിനെ കുറിച്ചും അവരുമായി മന്ത്രി ചര്ച്ച നടത്തി. തുടര്ന്ന് AFA സംസ്ഥാന സര്ക്കാരുമായി വിവിധ ഫുട്ബോള് അക്കാഡമികള് തുടങ്ങാനും അവര് പദ്ധതിയിട്ടിട്ടുണ്ട്.
