രാഹുല് മാങ്കൂട്ടത്തിലും യുആര് പ്രദീപും നിയമസഭയില്; എംഎല്എമാരായി സത്യപ്രതിജ്ഞ ചെയ്തു
ഉപതിരഞ്ഞെടുപ്പില് പാലക്കാട് നിയോജകമണ്ഡലത്തില് നിന്നും വിജയിച്ച രാഹുല് മാങ്കൂട്ടത്തിലും ചേലക്കര നിയോജകമണ്ഡലത്തില് നിന്നും വിജയിച്ച യുആര് പ്രദീപും എംഎല്എമാരായി സത്യപ്രതിജ്ഞ ചെയ്തു. നിയമസഭാ മന്ദിരത്തിലെ ആര് ശങ്കരനാരായണന് തമ്പി മെമ്പേഴ്സ് ലോഞ്ചില് വെച്ചാണ് ചടങ്ങ് നടന്നത്. മുഖ്യമന്ത്രിയും സ്പീക്കറും പ്രതിപക്ഷനേതാവും വേദിയില് ഉണ്ടായിരുന്നു.
ആദ്യമായാണ് രാഹുല് നിയമസഭയിലെത്തുന്നത്. യുആര് പ്രദീപിന് നിയമസഭയില് ഇത് രണ്ടാം ഊഴമാണ്. സഗൗരവമാണ് യുആര് പ്രദീപ് പ്രതിജ്ഞയെടുത്തത്. ദൈവനാമത്തിലായിരുന്നു രാഹുലിന്റെ സത്യപ്രതിജ്ഞ.
ത്രികോണ മത്സരം നടന്ന പാലക്കാട് നിന്നും തകര്പ്പന് വിജയവുമായാണ് യൂത്ത് കോണ്ഗ്രസ് നേതാവ് നിയമസഭയിലെത്തുന്നത്. യുഡിഎഫ് സ്ഥാനാര്ഥി രാഹുല് മാങ്കൂട്ടത്തില് 18,724 ഭൂരിപക്ഷത്തിലാണ് എന്ഡിഎ സ്ഥാനാര്ഥി സി കൃഷ്ണകുമാറിനെ പരാജയപ്പെടുത്തിയത്. എന്ഡിഎയ്ക്ക് വിജയസാധ്യത കല്പ്പിച്ച മണ്ഡലത്തില് ബിജെപി കോട്ടകളില് അടക്കം കടന്നുകയറിയാണ് രാഹുല് വിജയക്കൊടി പാറിച്ചത്.
