സമൂഹ മാധ്യമങ്ങളില് അധിക്ഷേപിച്ചെന്ന്; യൂട്യൂബര്മാര്ക്കെതിരെ പരാതിയുമായി പി പി ദിവ്യ
കണ്ണൂര് മുന് എഡിഎം നവീന് ബാബുവിന്റെ മരണത്തിന് പിന്നാലെ തന്നെയും കുടുംബത്തെയും സമൂഹ മാധ്യമങ്ങളില് അധിക്ഷേപിച്ചെന്ന് ചൂണ്ടിക്കാട്ടി യൂട്യൂബര്മാര്ക്കെതിരെ പരാതിയുമായി മുന് ജില്ലാ പഞ്ചായത്ത് പ്രസിഡന്റ് പി പി ദിവ്യ. കണ്ണൂര് സിറ്റി പൊലീസ് കമ്മീഷണര്ക്ക് പരാതി നല്കിയത്. സമൂഹ മാധ്യമങ്ങളില് അധിക്ഷേപിച്ചെന്ന് ചൂണ്ടിക്കാട്ടിയാണ് പരാതി. ഇന്നലെയാണ് പി പി ദിവ്യ പരാതി നല്കിയത്.
യൂട്യൂബര് ബിനോയ് കുഞ്ഞുമോനും ന്യൂസ് കഫേ ലൈവ് എന്ന യൂട്യൂബ് ചാനലിനുമെതിരെയാണ് പി പി ദിവ്യയുടെ പരാതി. മക്കളെ കൊല്ലുമെന്ന് ഇന്സ്റ്റഗ്രാമില് കമന്റിട്ട തൃശൂര് സ്വദേശിക്കെതിരെയും ദിവ്യ കമ്മീഷണര്ക്ക് പരാതി നല്കിയിട്ടുണ്ട്.
എഡിഎം നവീന് ബാബുവിന്റെ ആത്മഹത്യക്ക് പിന്നാലെ സമൂഹ മാധ്യമങ്ങളില് പി പി ദിവ്യക്കെതിരെ വ്യാപക വിമര്ശനം ഉയര്ന്നിരുന്നു. ഇതിനെതിരെ ദിവ്യയുടെ ഭര്ത്താവ് കണ്ണപുരം പൊലീസില് പരാതി നല്കിയിരുന്നു. ഇതിന്റെ അടിസ്ഥാനത്തില് ഒരാള്ക്കെതിരെ കേസെടുക്കുകയും ചെയ്തിരുന്നു.
