കൊച്ചിയില് അമ്മയുടെ മൃതദേഹം വീട്ടുമുറ്റത്ത് കുഴിച്ച് മൂടി മകന്; പോസ്റ്റുമോര്ട്ടം ചെയ്യണമെന്ന് പൊലീസ്
കൊച്ചി വെണ്ണലയില് അമ്മയുടെ മൃതദേഹം മകന് വീട്ടുമുറ്റത്ത് കുഴിച്ച് മൂടി. അമ്മ മരിച്ചതിനുശേഷം കുഴിച്ചിട്ടതാണെന്നാണ് മകന്റെ മൊഴി. മകന് പ്രദീപിനെ പൊലീസ് കസ്റ്റഡിയില് എടുത്തു. അതേസമയം മൃതദേഹം പോസ്റ്റുമോര്ട്ടം ചെയ്യണമെന്ന് പൊലീസ് അറിയിച്ചു.
78-കാരി അല്ലിയുടെ മൃതദേഹമാണ് മകന് പ്രദീപ് കുഴിച്ചിട്ടത്. വീട്ടുമുറ്റത്തായി ചെറിയ കുഴിയെടുത്ത് അമ്മയെ കുഴിച്ചിടുകയായിരുന്നു. ഇന്നലെയാണ് സംഭവം നടന്നത്. പാലാരിവട്ടം പോലീസ് സ്ഥലത്തെത്തി നടപടികള് സ്വീകരിച്ചിട്ടുണ്ട്.
അതേസമയം മകന് പ്രദീപ് സ്ഥിരം മദ്യപാനിയാണെന്നാണ് സമീപവാസികള് പറയുന്നത്. അമ്മയും മകനും സ്ഥിരം താമസക്കാരാണ്. പ്രദീപിന്റെ ഭാര്യ വഴക്കിട്ട് പോയിട്ട് കുറച്ചുനാളുകളായെന്നും നാട്ടുകാര് പറയുന്നു. പ്രദീപിന്റെ രണ്ട് മക്കളും വീട്ടില് താമസിക്കുന്നുണ്ട്. പ്രദീപ് മദ്യപിച്ച ശേഷം പ്രശ്നങ്ങള് ഉണ്ടാക്കാറുണ്ടെന്നും നാട്ടുകാര് പറയുന്നു.
അല്ലിയുടെ മരണകാരണം കണ്ടെത്താനുള്ള പരിശോധനകളിലാണ് പോലീസ്.
