മോഹന്ലാല് നായകനായെത്തുന തെലുങ്ക്- മലയാളം ചിത്രം വൃഷഭയുടെ റിലീസ് തീയതി പ്രഖ്യാപിച്ചു. കന്നഡ സംവിധായകനായ നന്ദകിഷോര് രചനയും സംവിധാനവും നിര്വഹിച്ച ചിത്രം ക്രിസ്മസ് ദിനമായ ഡിസംബര് 25നാണ് തിയെറ്ററിലെത്തുക. റിലീസ് തീയതി പ്രഖ്യാപിച്ചതിനു പിന്നാലെ ഒരു മോഷന് പോസ്റ്ററും അണിയറ പ്രവര്ത്തകര് പുറത്തു വിട്ടിട്ടുണ്ട്.
കണക്ട് മീഡിയയും എവിഎസ് സ്റ്റുഡിയോസുമായി ചേര്ന്ന് ബാലാജി ടെലിഫിലിംസിന്റെ ബാനറില് ഏക്ത കപൂറാണ് ചിത്രം നിര്മിക്കുന്നത്. എല്ലാ തലമുറകളെയും ആവേശം കൊള്ളിക്കാന് കഴിയുന്ന ആക്ഷന് എന്റര്ടെയ്നറായിരിക്കും ചിത്രമെന്നാണ് അണിയറ പ്രവര്ത്തകര് പറയുന്നത്. നേരത്തെ നവംബര് 7ന് ചിത്രം റിലീസ് ചെയ്യുമെന്നായിരുന്നു അണിയറ പ്രവര്ത്തകര് അറിയിച്ചിരുന്നത്. എന്നാല് പിന്നീട് തീയതി മാറ്റുകയായിരുന്നു.
