മലയാള സിനിമയിലെ പ്രമുഖ സംവിധായകനും നിരവധി ബോക്സ് ഓഫീസ് വിജയചിത്രങ്ങളുടെ സ്രഷ്ടാവുമായ ലാല് ജോസ് നയിക്കുന്ന രണ്ട് ദിവസത്തെ സമഗ്രമായ അഭിനയവും ചലച്ചിത്ര നിര്മ്മാണവും ഉള്ക്കൊള്ളുന്ന വര്ക്ക്ഷോപ്പ് കലാഭവന് ലണ്ടന് സംഘടിപ്പിക്കുന്നു.
ഫെബ്രുവരി 14, 15 (ശനി, ഞായര്) തീയതികളില് രാവിലെ 9 മുതല് വൈകിട്ട് 6 വരെ ലണ്ടന് ഹോണ്ചര്ച്ചിലെ ക്യാമ്പിയന് അക്കാദമി ഹാളില് വെച്ചാണ് വര്ക്ക്ഷോപ്പ് നടക്കുന്നത്.
അഭിനയം, സംവിധാനം, തിരക്കഥ രചന, സിനിമാറ്റോഗ്രഫി തുടങ്ങിയ മേഖലകളില് താല്പര്യമുള്ള അഭിനേതാക്കള്ക്കും നവാഗത ചലച്ചിത്ര പ്രവര്ത്തകര്ക്കും സിനിമാ ആസ്വാദകര്ക്കുമായി രൂപകല്പ്പന ചെയ്തിരിക്കുന്ന ഈ വര്ക്ക്ഷോപ്പ് തിയറി ക്ലാസുകളും പ്രായോഗിക പരിശീലനവും ഉള്ക്കൊള്ളുന്നതാണ്. ലൈവ് സീന് ഷൂട്ടുകള് ഉള്പ്പെടുന്ന പരിശീലനം ഈ പരിപാടിയുടെ പ്രത്യേകതയാണ്.
വര്ക്ക്ഷോപ്പില് ലാല് ജോസിനൊപ്പം ഷിജു എം. ഭാസ്കര് (തിരക്കഥാകൃത്ത് & ഡയറക്ടര് ഓഫ് ഫോട്ടോഗ്രഫി), ശരണ് S.S. (കാസ്റ്റിംഗ് ഡയറക്ടര് & ആക്ടിംഗ് കോച്ച്), അരുണ് കുമാര് (സംവിധായകന്) എന്നിവരും ക്ലാസുകള് നയിക്കും.
സ്ക്രീന് അഭിനയം, ഓഡിഷന് തയ്യാറെടുപ്പ്, ഷോര്ട്ട് ഫിലിം നിര്മ്മാണം, സിനിമാ വ്യവസായത്തിലേക്കുള്ള പ്രവേശന മാര്ഗനിര്ദ്ദേശങ്ങള് എന്നിവ ഉള്പ്പെടെ സമഗ്രമായ പരിശീലനമാണ് പങ്കെടുക്കുന്നവര്ക്ക് ലഭിക്കുക.
വര്ക്ക്ഷോപ്പിനോടനുബന്ധിച്ച് 'Connecting Actors & Filmmakers' എന്ന പ്രത്യേക നെറ്റ്വര്ക്കിംഗ് സെഷനും സംഘടിപ്പിക്കുന്നുണ്ട്. അഭിനയം, സംവിധാനം, തിരക്കഥ, സിനിമാറ്റോഗ്രഫി, എഡിറ്റിംഗ്, നിര്മ്മാണം തുടങ്ങിയ സിനിമാ അനുബന്ധ മേഖലകളില് പ്രവര്ത്തിക്കുന്നവര്ക്കും പ്രവര്ത്തിക്കാന് ആഗ്രഹിക്കുന്നവര്ക്കും ഈ സെഷന് സഹായകരമായിരിക്കും.
പങ്കെടുക്കുന്നവര്ക്ക് ഉച്ചഭക്ഷണവും ലഘുഭക്ഷണങ്ങളും, ഫാക്കല്റ്റിയുമായി സംവദിക്കാനുള്ള പ്രത്യേക ചോദ്യോത്തര സെഷനുകളും ഒരുക്കിയിട്ടുണ്ട്.
കൂടുതല് വിവരങ്ങള്ക്കും രജിസ്ട്രേഷനും:
കലാഭവന് ലണ്ടന്
07841 613973
kalabhavanlondon@gmail.com
