സായിബാബ ഭക്തയായ അമ്മയ്ക്കായി ക്ഷേത്രം പണികഴിപ്പിച്ച് ഇളയ ദളപതി വിജയ്. അമ്മയുടെ ആഗ്രഹപ്രകാരമാണ് ക്ഷേത്രം നിര്‍മ്മിച്ചതെന്ന് റിപ്പോര്‍ട്ട്. ചെന്നൈയിലെ കൊരട്ടൂരില്‍ വിജയ്‌യുടെ ഉടമസ്ഥതയിലുള്ള സ്ഥലത്താണ് ക്ഷേത്രം. ഫെബ്രുവരിയിലാണ് ക്ഷേത്രത്തിന്റെ നിര്‍മ്മാണം പൂര്‍ത്തിയായത്. വിജയ് നടത്തിയ സന്ദര്‍ശനത്തിനിടെ പകര്‍ത്തിയ ചിത്രം ആരാധകര്‍ ഏറ്റെടുത്തിരുന്നു.
സിനിമാ ചിത്രീകരണത്തിന് ക്ഷേത്രം സന്ദര്‍ശിക്കവേ പകര്‍ത്തിയ ചിത്രം എന്നായിരുന്നു ആദ്യം പ്രചരിച്ചത്. പിന്നീട് വിജയ് പണികഴിപ്പിച്ച ക്ഷേത്രം എന്ന റിപ്പോര്‍ട്ട് വന്നു. ചലച്ചിത്ര സംവിധായകന്‍ എസ്.എ. ചന്ദ്രശേഖറിന്റെയും പിന്നണി ഗായിക ശോഭയുടെയും മകനാണ് വിജയ്. താരം രാഷ്ട്രീയ കക്ഷി രൂപീകരിച്ചു അടുത്ത നിയമ സഭാ തിരഞ്ഞെടുപ്പില്‍ മത്സരിക്കാനുള്ള ഒരുക്കത്തിലാണ്.
